懷孕36w

求過觀音賜子俾我, 趁老公有時間就叫佢陪我先去還神

雖然係有點迷信

不過拜下心安理得, 求左野都係去還下神好D

私家產檢又來.....唔知係食得好野多定飲得少水

D 小便的顏色好奇怪....好深黃色

知道產檢要驗小便.....勁飲返水先去驗

果然不出所料, 有飲返水....D 小便係變淡黃, 驗小便暫時次次都係咁pass(因有一次fail , 但個排係飲少一倍水)

好似有少少似出術咁, 但無計....飲水係有益, 小便咁深色即提我要飲多D 水

方醫生仲叫我呢個孕後期36W後, 唔好再食DHA 魚油丸

踏入12 月喇, mama group 入邊有好幾個mama 都生左

仲有人同我同一日edd都生左

不過好多人問我緊唔緊張? er.....暫時又無喎

只係知會10級痛, 唔知點樣可以快趣生完je, 因為始終我有恥骨痛, 臂開大脾去生, 我諗痛到我黏線

未生都恥骨痛死左

生完做ftm , 我諗都成定局, 因為問左好多朋友, 佢地識的澳門人當中, 都無人肯湊bb

請工人係hk 湊, 我係澳門返工我又唔放心

始終係想餵人奶同自己湊....陪Cheers 一齊成長, 所以唯有慳d 洗, 呢幾個月就辛苦住老公一個人去賺錢

呢期開始便秘.....本身我都唔係成日去廁所

呢期仲嚴重, 好似想去...點知得啲咁多(核突d.....係每日只得1 夠.....我又唔鍾意夾硬死坐難坐係要疴出來的人)

跟住試下奇異果/士多啤梨打碎溝益力多, 無食乳酸菌藥(之前西醫有開藥俾我食, 但其實我呢期又係少食左菜, 生果都少....)

咁飲下生果溝益力多

好似都work work 地....不過唔係即日, 係蘊養3日先疴到一大篤..仲要係少少輕微肚瀉咁ge 感覺

唔知係咪又加上Cheers 幫我郁動下d 腸

講開Cheers, 佢郁動升級, 越來越大力

突然個肚就k 型....突然有一個位硬左, 我估係佢尾龍骨or 腳仔

摸下佢腳仔, 佢仲大大力踢返我一野

好鬼可愛

因為要pack 箱返香港, d 用品要pack...

所以最後都要整炒米茶, 希望乾爽存放到我生完有得飲la

依家放晒係玻璃樽度, 諗住hand carry 拎返hk

原來企係度每次煎pan 炒2乜米(我預半乜米份量夠飲1日).....炒夠一個月有多....係炒好幾轉

炒米茶代替飲白開水, 聽人講有d 米氣喎....唔知係咪, 不過人整我又整(陪月都叫我整, 我無人幫, 所以自己炒)

又要唔好咁燶(聽講燶左飲來熱氣喎), 但又要金黃

我可以炒左半日, 再裝入茶袋, 又hea 下....

企咁耐, 腰都痛, 個人突然變得好易攰咁

好彩老公放工返來有幫下我手

除左炒米茶, 我仲飲埋中藥清胎毒

飲中藥都好, 變左唔駛食咩西瓜, 綠豆沙, 腐竹糖水, 龜0膏個d....

因為全部呢d 清胎毒食物都係甜, 我其實有想過會否係有人想趁最後幾個月, 自己想食, 就傳開去話有清胎毒的效用?

糖水想唔甜又要自己煲, 我無咁多時間

加上...人人接受呢d 涼野的程度都唔同

我聽有d mama 講唔清, bb 出世都無事

又有聽mama 講食左, 爸媽本身有敏感, bb 出世又係咁

所以信不信由你

我就揀食中藥, 2劑搞掂(因政府產檢時話我體重要控制, 我仲食咁多呢d 野呀.....又超重la,咪搞!)

平時自己鍾意咪食少少當糖水lor

但我唔會狂食

懷孕35w

聽左咁多聯合的產前講座, 成日話想打返出來, 同朋友Share同自己日後睇返

哈哈, 其實我都好懶....好難的起心肝去打

最後....終於打左部分, 原來用powerpoint 打, 好似易睇易明同有心機打d

其實一直我都係dinner 後就走去乞一陣, 但呢排可能訓得夠....

夜晚反而訓唔好

有一晚試下唔乞....夜晚就好好訓

睇來孕中期我唔駛訓咁多

d 同事成日好8...

係咁問男定女?

其實男又點女又點??

有人亂估....覺得係睇肚型或睇皮膚

我想講都係大部人係咁...無得咁睇

加上d 同事又口疏, 所以我選擇性去公佈生仔定女

但d 同事唔估男女就開盤估Cheers 邊日出世

服左佢地, 咁都玩一餐, 話輸左(距離日子最遠個日)請食飯喎

好la....佢地鍾意就估

不過我想Cheers 返左香港先出來, 否則我係澳門生就好麻煩又好貴

肚底有紅色的蚊.....痕到我不停忍唔住r....

要經常保濕先得

我用埋蜜糖去敷下一陣再洗....止到一陣就又痕過

唉!!!

呢一排仲3角位吉下吉下, 又有急尿feel...唔知係Cheers 踢到我定佢就快落盤呢??

(事後問左mama group 同助產士, 原來落盤唔係咁ge feel....)

去政府做產檢, 將我擔心的胎盤老化問題, 講俾助產士知

佢見我擔心, 所以睇下醫生可否加症, 俾我照下超聲波

助產士超好人呀, 我仲以為政府多數唔理tim

不過照左呢...係有老化, 但醫生話唔睇老化, 其實bb 正常有增長有郁動就係健康

咁我唯有係私家keep check 住胎盤老化情況, 每次叫醫生影一張胎盤的照聲波相出來做record留意住la

今次產檢, 心跳高過100....之前話高過100, 要坐15分鐘再量血壓一次

點知今次.....姑娘好心急, 等多10分鐘又叫人量...最終103 下變左102下

入去見助產士, 佢話上下壓正常, 心跳有2個人...可能係高少少, 所以唔駛咁擔心

跟住我又有問: 重量其實好難控制, 做咩要限住我每次重幾多?係咪驚我生完難減肥呀?

助產士同我解釋:其實係因為依家突然陀b 重左, 我心肝脾肺腎要加班, 驚我負荷唔到, 好易出現其他病, 所以尤其要戒食甜野, 等體重唔好突然增加太多
同時我都驗左B鏈, 篤起腳有塊布蓋住, 助產士幫我係陰道同屎眼位撩左d分泌物去檢驗
其實唔痛....柏氏抹片仲痛
有mama 話尷尬?? er...我覺得睇你點睇la, 撩一下je....如果尷尬, 柏氏抹片咪仲尷尬, 撩咁耐又痛

最後要返工的星期六....打卡in 左就偷走, 今日去一去澳門鏡湖醫院產檢下

留個record, 係怕突然係澳門要生, 都唔駛咁麻煩

不過好大陸feel , 又要叫人照心電圖, 又要玩胎心監察

我係度諗....香港產檢都無咁多野搞ge?? 咁香港個d 產檢算係咩?

不過最慘係化驗費.....2千幾, 加埋其他checking, 總共$3xxx埋單....

唔係本地人乜都貴d

胎心監察呀....咁啱Cheers 訓左唔係點郁,

心跳係14x下....點知姑娘覺得唔夠, 又叫我播d 勁的歌,咁平時Cheers 聽莫札特ga ma

我播莫札特, 姑娘話聽到都想訓, 轉首勁d, 紅蘋果都得

我心諗...咩歌來咖? 大陸歌來咖?? 我唔播呢d 咖

隔離床播, 咪一齊聽下....

Cheers 都係無咩反應, 我按下肚, 姑娘話我r 痕呀?

跟住叫我轉下身, 又俾埋氧氣我聞, 

然後就係咁搖我個肚, 要去到16x下同埋每郁一下要按制1次, 直到佢地滿意先俾我走

返到宿舍同老公講, 佢唔俾我再去因為唔想姑娘再搖我個肚咁恐佈同埋又唔係平, d 報告無得睇返lu.....

唯有希望真係Cheers 唔好咁快出世, 返香港先出來la

終於夾好時間....

去買埋最後一轉野俾Cheers

一田大減價, 我地就去吉之島, 因為老公唔鍾意同人迫, 又怕我俾人撞親

所以其實Cheers 的東西...我地係買貴左, 無計la....又加上我地唔係香港, 得閒先返去....又要就個貨期, 唔係香港點收貨

所以第1轉, 買唔到平靚正的東西

唯有生完先再血拼吧

(p.s.老公好得意.....見到一樣玩具好得意, 話要買俾Cheers, 好啦, 反正無買玩具, 爸bi 開到聲就買)

我同事(part 我做野的秘書)送左一set 護理套裝俾Cheers

好有心呀, 好多謝佢, 估唔到佢對我同Cheers 都咁好

難得!我以為只限公事上~

懷孕34w

開始孕後期, 產檢都會密D, 大約2W一次

今次私家產檢, 方醫生話我知我胎盤有輕微老化(可以叫鈣化)

胎盤係供營養俾bb, 正常人可能37w先老化, 有d 可能42 w都未老化

但一老化....代表function 就來用完, 其實bb 係會有危險

方醫生都係叫我唔駛咁擔心都係初期, 留意住就OK

上網搵資料睇好似都唔多講胎盤老化呢樣野

不過最擔心係未足月....胎盤老化得快過Cheers 未係時候出世

所以盡量呢排都食多d 有營養的, 希望最後生出來夠磅數

反正都老化咯, 我又控制唔到

自己小心d 

(估都估唔到....臨最尾先來擔心, 明明我陀得好地地...唉!!)

不過同時我會將呢件事係政府產檢時, 話俾政府知, 我覺得我係佢地度生, 佢地應該要更加take care 我

無理由係由我把口講咩, 佢地先去做野, 咁我同Cheers 咪好唔安全

上星期影完相, 時間太趕, 所以留返今個星期返來香港

我就去左剪短頭髮

剪短係方便洗頭吹頭, 成2年未試過咁短

之後要留多d 時間照顧Cheers, 短頭髮方便好多, 至於咩脫髮或者怕搶營養....其實我無諗過

返到公司, 好多同事好好奇咁話:剪短頭髮就快預備生

我仲同佢地講笑:我係新同事Rebecca, 我呢度係baby, 夾埋你地可以叫我做Rebecca baby

笑死我d 同事

不過剪短左頭髮但呢排都好似好鬼熱咁ge???

好彩問左好多朋友和同事佢地都話係呢排天氣熱左, 佢地自己都feel 到, 而唔係我自己同Cheers 2個人體溫上升啫

今年結婚3周年....無假去旅行, 所以唯有去食餐好

唔係澳門都唔會食到呢個比香港平的米芝蓮餐廳

媽咪同妹來澳門玩

帶佢地去左永利, 我第一次玩老虎機

Cheers 好旺, 賺零用錢呀!!!

我用$20.....居然win 左$95.2

俾妹妹玩的$10....本身都係咁輸, 我叫妹妹摸下bb都唔win

我就叫佢讓俾我坐, 估唔到最後.....都win 返$8

雖然win 唔多, 但計倍數,都算勁

咁呢d 錢又儲埋係俾Cheers 第時用

有朋友問起生bb 要洗幾錢

我入左落個excel 表度...計下計下....Cheers 未出世, 原來我洗左3萬幾蚊買野俾佢

未計2萬幾係請陪月的人工....

已經有部份衫仔, 床仔,揹帶係二手人地俾.....

如果揀開刀或私家咪仲貴.....

不過新生命的誕生, 呢d 錢係要洗ge~

小朋友的東西係貴, 但我覺得係值得

總知Cheers 健康快樂就得

而我做ftm , 我同老公就商量過....到時老公要搬去公司宿舍住, 返工放工無咁方便

但係就維持到我唔返工的開支

希望捱到半年或以上, 等到Cheers大個....請個工人幫手我出返來做野

懷孕33w

終於等到...同老公影大肚相的呢一日

之前無諗過影ga, 但見到d 朋友影得咁靚咁warm

我就心郁郁

同埋有舊同事影nude相, 影得好美

所以我幾個月就問老公可唔可以影?

點知老公批准喎

咁呢幾個月, 老公就勤力操fit 自己

我就間中飲下紅豆水消腫, 唔知有無用, 都唔係飲得密

(其實我知我全身有少少輕微腫左, 手就影相睇到, 腳就褲窄左, 波鞋要買大2個碼)

不過可能係Cheers 錫我, 一直我都唔算腫同埋未有明顯肚紋

去到影相呢一日, 我都仲係好靚靚

我自備衫同諗定造型個d.....唔駛煩去到慢慢諗(得1.5小時咋), 最後變左5個造型

白色lace 衫(淘寶)+nude+飄紗+親子衫(淘寶)+黑色top配攝影師的黑色裙仔

而道具我都早有準備, 有肚貼, 有波鞋仔+波仔

之後先知原來我揀呢個攝影師係讀設計

唔怪得影出來的風格唔同d, 因為我上次跟mama group 佢地影, 好似好standard 咁

但今次反而backdrop 少一倍, 但影落仲正過上次

勁鐘意呢輯, 期待靚靚相呀!!

無意中發現澳門有薑心比心的用品

我又梗係啱係澳門, 梗係要訂la...又免運費

估唔到咁快有貨

呢一排都係咁....每2-3 個鐘就醒一次, 一來自己個身重左, 好難轉身, 二來恥骨痛.....轉身時一定整到更痛

依家晚上feel Cheers 的郁動, 係好開心, 因佢應該好唔夠位住.....下下都好應, 好窩"身"

但一向天花板耐左, 我轉返身去訓覺, 我條腰好似就快斷咁....

Cheers 好重稱!!

產假係12月12號開始放....開始倒數1個月la~

我要係公司盡快要做晒d 私人野先得

懷孕32w

踏入11月, 係涼左少少...但我行左一陣又熱返

可能2個人的體溫la, 所以我諗今年冬天, 我應該著好少都得

諗住涼返, 唔再開冷氣訓...但試左幾日, 我同老公都訓得唔好

唯有開返冷氣訓, 嘩.....真係零舍唔同, 係訓得冧d

同事成日問我:幾時放產假? 幾時生得?

基本上都成為每日必答的問題

一句:話咁快

同事都回應我:係囉, 話咁快你做媽媽

係呀.....時間真係過得好快, 無想過呢個年紀.....無想過自己做人媽媽

榮昇的感覺真係好似發夢緊

我會好開心好期待Cheers 的來臨

又重拾返一次童年的感覺(呢一代好幸福, 有咁多不同類型的課程學同埋玩具玩, 不過亦都令小朋友唔再單純&大壓力, 要好精靈和主動去同人爭)

其實我只記得我些少自己童年

唔係唔開心....係可能太遠卦

我自己又唔係十分有記性的人

不過無論點都好, 最緊要屋企人健全, 陪你成長, 已經足夠

(或者這樣長大的我, 就係少左呢份無形壓力, 雖則係大女, 好多重擔, 或者父母會照顧細佬妹多過擔心我

但咁....亦都証明我係成熟和令父母放心!)

Cheers 呢排又郁得勁左, 叻仔!!

有時野野"銳"到我肚皮好痛, 又有波浪型咁郁

但當然...佢肯郁佢有郁總好過唔郁la...唔郁又擔心ga la(做人係咁矛盾)

所以我情願feel 到痛

趁返hk, 去睇埋中醫, 拎左2劑清胎毒的藥

咁我就變左可以少食d 涼野

(其實有人話唔駛清胎毒, 同埋我覺得清胎毒要食ge...大多係甜野來ge, 係咪d mama自己想食, 傳下傳下變左一定要食咋???)

護協買左少少用品, 都平(拎住惠氏張mama 會卡可以去親子部買野)~

但係就好多人, 又大肚婆又佢地的老公, 間鋪又唔係大喎

相當危險

懷孕31w

真係估唔到, 想唔到....咁就陀b 陀左30w, 好勁呀我覺得自己!

有其他mama....開始手腳腫, 難除戒指, 我都試下除...好彩仲除到

但唔再戴住la....唔知幾時真係有一日腫左, 除唔到就大鑊

留返婚後再戴過la

呢排都係有少少滲尿情況, 尤其打"哈次", 咳個時.....但自己又懶去練會陰運動

唯有諗...係咪自己都急急地又未去廁所, 而咁啱打"哈次 / 咳而引致

希望生完會好d la

到10月27 號.....預產期係12月27號

老公摸住我肚同Cheers 講: 仲有2個月就見到你, 好期待呀!!

不過媽咪同99 都未煲薑醋, 2位老人家睇來心態都好放鬆好淡定喎....

真係無諗過我除時早產(我有2個fd 係9個月已經突然生左bb 出來la), 同埋薑醋唔入味

(咁唯有我自己諗定.....到時有咩事, order 8珍la~)

同另一位mama 傾開又係99 唔識煲薑醋

咁我就諗...不如我借d 椅請教下個陪月la

點知陪月ee 好好呀....返緊工都用食飯的時間打俾我, 教我點煲

嘩....原來都幾多步驟同埋麻煩....又要刨皮, 曬乾,炒香...煲左個膽, 仲要每日都開一開火滾下出味

諗住節制下飲食, 控制返重量, 點知.....越係唔食咁多, 越係肚餓

唉...點算?? 

其實呢個月, 我度到自己個肚圍無大過, 其他人梗係話你個肚好大....

但有同事同我講:要留意下d 胎水係咪唔夠

我就開始有d 擔心, 下次產檢再問....我都估方醫生又叫我唔好咁緊張, 正常喎

呢排好hit ...講緊新生兒代謝病

頭500名參加, 有資助就慳$800, 化驗費就$360

我登記左無收到回覆.....jm 叫我打去追問

本身我誤會左, 以為總共要驗呢個係$800, 咁$360點都要俾, 抽唔中咪自己貼$440(的士來回抱住Cheers 去威院都差唔多la)

點知jm 話唔止咖....係千幾蚊, 佢建議我不如打去問下情況, 咁我就順便問埋價錢

最後.....終於收到通知, 慳返呢$800

到Cheers 出世的頭7日, 就帶Cheers 去做呢個化驗(要係佢腳板仔抽d 血去驗)

等左2個月, 終於等到去私家產檢, 照下Cheers

方醫生開左3d 俾我地睇, 大眼大鼻大咀...似足老公輪廓

Cheers 仲大力踢方醫生照超聲波支儀器幾次, 勁搞笑

位置向下方, 非常之好, 好叻呀Cheers(差落盤)

Cheers 似我地手長腳長咁, 依家都好重磅4磅15安士(我都唔識d 單位, 係有mama同我1磅=16安士, 即原來Cheers....都邁向緊5磅)

懷孕30w

係網上識左班mama group, 上次約出來gathering, 我突然唔舒服無去到

今次影相, 終於可以見面

不過因為我影完要趕去搭船, 都無咩點同佢地傾計

加上有個mama 訓著左唔知醒,我地call 爆佢手提都唔聽, 所以影相時間嚴重delay, 大家等同埋影合照時間長左, 搞到單人照delay

無諗過影相可以由1點影到晚上6點

攰到爆!!

呢間叫Image hour,都幾多backdrop~價錢唔太貴, 不過化妝師好似差少少, 

因為胭脂好淡, set 個頭又唔噴hair spray, 轉頭就唔曲, 我係事後叫另一化妝師幫我補妝同埋噴spray

我跟mama group join 都好抵, 影大合照+單獨照(2個backdrop)都係幾百蚊, 都抵影ge

但唔多衫租, 我就單獨照用返本身合照包的衫, colorful d!快手影完走人算

不過夜晚返到澳門, 我開始喉嚨痛+鼻萌萌....我懷疑我影相個時著得太少攝親凍親la...

迫住要食藥同睇醫生, 希望唔好影響到Cheers, 媽mi 會盡快好返

(p.s. 不過呢....好多人成日用肚型估生仔定女, 但影呢輯相, 我知大部份人係啱, 但少部份係會錯lor!)

呢排病病地, 訓多左, 好彩有一日重陽節, 唔駛返工又唔駛拜山, 所以全日都訓為主

老公....突然係咁錫我個肚....嚇到Cheers 打c egg

笑死~~第2次係老公嚇到Cheers打c egg

明明星期一, 我唔舒服睇醫生磅過重, 係重左1kg, 點知星期四去做政府度做產檢, 係重左2kg

助產士都唔太信, 要我再磅多一次, 但真係重2kg

跟住就俾助產士勸我控制食量.....

我自己都好唔開心, 點解重咁多, 接受唔到....

跟住住左一晚酒店, 因為第2日上fitball班,唔專登返娘家lu....又要訓廳

不如訓好少少, 點知就係爭個枕頭夾住大脾, 我恥骨位喪痛....所以恥骨痛的mama, 真係要夾住枕頭訓

今日去上可以話叫第3堂, 又要俾$60

但今次呢堂實用好多

因為真係做到, 同埋有助到時順產, 希望易d 快d 無咁痛

(個度有另一個磅, 我問左姑娘, 姑娘話可以磅, 但要小心上落

我一磅, 又係變返重1kg....)

咁即係點?? 我就開始諗....企係磅上的重量分佈, 會影響個磅

突然好想飲湯水....就去左一間有靚湯飲的酒樓食飯

一飲湯, Cheers 係咁踢我俾反應我

果然係佢想飲, 我都知我呢排煲得少, 等我遲下煲多d 俾大家飲

(Cheers原來除左鍾意試新野, 食貴野, 唔食鯹野, 原來仲鍾意飲湯湯~)

懷孕29w

係呢個孕期, 其實要戒口都好多

不過Cheers 俾我咩都食, 但係都係偏向食咸野

同埋發現呢.....Cheers 唔好鯹野

(好似d 蛋, 煮得唔係好熟,花膠呢...無媽咪整得咁好食, 我係唔太想自己整來食, 一食呢....有種抗拒感覺)

不過中醫同聽人講, 花膠塞乳線, 8個月前要食就好食, 所以就到8個月....

我一氣過發晒d 花膠, 放晒落湯煲來飲

而呢個孕後期開始(孕中期話咁快完左).....開始清胎毒

天氣都轉涼, 我唔再黏車坐返宿舍, 依家我自己放工就行返宿舍, 

20分鐘路程慢慢行....大約半個鐘內就返到去宿舍

當每日都做下運動, 唔好咁輪盡

到時易d 生Cheers

呢排訓得都麻麻, 轉身難, 已經係側身訓, 但都好易麻痺(因我係唔會成日轉身, 唔算爛訓的人)

依家一轉身, 又要棒埋個肚去轉(驚嘈醒Cheers)所以我例必醒一次至兩次.....即每日都斷斷續續咁訓

(或者有時訓都訓唔到, 眼光光!但我又唔係急尿醒喎, 所以無起身去廁所, 剩係係床度眼光光)

同事教我同另一位準爸爸男同事用大毛巾, 到時當包被包實bb 喎

有多d 安全感

呢位準爸爸男同事, 係超巿見到大毛巾, 買左2條送俾我, 唔肯收我錢

佢成日都送好多野俾我~雖然係好平, 但都真係好多謝佢

同事成日話見我無咩唔舒服, 行都行得快, 陀得個肚又高, 面色又好, 神采飛揚喎

其實應該係Cheers 錫我, 無咩點令我辛苦

有同事話多數第1胎陀得唔辛苦, 先敢生第2胎, 但第2胎係點? 無人知ga...可能完全相反唔定

我都好想幫Cheers 添個細佬/妹, 希望之後我地的經濟能力都support 到la!!

呢排胎動....唔係只係夜晚訓係床上先feel到

返工都feel到Cheers 係咁滾動, 好得意

跟住仲學識震震震震...同事講笑話佢係入邊打尿震, 笑死我

一放假返香港, 我又好忙...不停去呢度個度, 我老公勁擔心我

不過又再一次証明, 郁得多, 恥骨無咁痛

只係夜晚訓覺, 無咩點郁, 一起身個下易痛d(應該係血液循環問題!!)

Cheers 好旺我地....我同老公分別2次買電腦飛, 都中3個字

雖然...買$20/2注只拎到$40(即$10賺$30)

但我好耐無試過中la, 仲要2個一齊中

跟住貪心得際....去劃飛買7個字.....

最後...只中2個半字

丫~係有d luck!!! 我未試過成日中咁多個字, 成日買都只係中一個字, 甚至唔中

估唔到...Cheers 咁旺我地!!

呢d 錢, 我地儲起留俾第時Cheers 用~

懷孕28w

Cheers .....突然踢到我膀胱, 勁想標尿

同之前漏尿又唔同, 要去密d toilet

唉...慘la...但我到依家呢刻先出現呢d 情況, 對比其他mama,其實Cheers 已經好錫我!!

好想快d 卸貨, d 痛症好似開始係就到的孕後期出現la

仲有呀....肚皮開始痕, 睇來隻肚紋膏唔夠潤la

bra下圍位置cool 得好緊....有時唔想戴bra tim ar

(個肚我比其他人陀得高, 所以頂住個胸, 個胸當然係大左...所以下圍果個位....有時覺得好辛苦, 夾住咁)

(p.s. 孕初期淘左U型枕, 覺得無咩用又阻地方, 都係用返三角枕側睡

但最近有恥骨痛, 所以就決定試下再用返個U型枕"long"高一隻腳來訓, 又訓得好左同埋起身個下少左恥骨痛, 平時係office 自己就唔好坐咁耐, 多d 走動

本來唔覺唔覺GA....係突然2個星期六lunch 後要返公司, 老公陪我行la...要行一段樓梯, 上星期六仲舉步為艱, 今個星期六已經見步如飛

咁當然要小心慢慢郁動+做任何動作都要2腳Balance, 咁恥骨痛的情況就可以減少)

突然有一晚, 我乞左一陣, 夜左起身沖涼

點知....摸唔到Cheers 郁

我同老公都有d 擔心

個下係度諗我好耐無見Cheers(因St Paul產檢醫生放大假兼且full booking...又要夾老公星期六放半日, 陀b 第23w照完要等到32w先再下一次產檢, 依家仲有3個w先見)

所以諗緊好無book 下其他醫生提前做一次產檢或4D

點知第2朝....Cheers 又郁返多d, 而4D個期....book 唔到(因我係過左要做4D個期, 其實唔做都得ge, 呢個item 係滿足父母想先睹為快的欲望,見朋友4D超聲波, 好似溶蠟咁, 都幾核突!!)

不過同時, 可能Cheers 都暗示叫我唔好咁緊張咁擔心,一有事就去睇醫生

都係ge~乜都係整定ge

不過呢....依家間中keep 住係老公一摸個肚, Cheers 就唔郁, 一放開手就郁

好搞笑, 我覺得Cheers 百厭識同我地玩, 又知性

所以就係咁, 我要老公每晚幫我搽肚紋膏, 俾多d 機會佢同Cheers 有接觸, so far 都ok

Cheers 熟悉左爸bi 手的溫度, 力度同埋感覺, 俾到老公feel到更多的胎動, 
多數一搽完肚....老公對手放係肚上一摸, Cheers 就踢一下/滾動, 老公就好開心!!(算係幾好的成果!!)

上次聽講座送的胎心機

錄埋呢次Cheers 的心跳, 就送俾我公司同事

好野要share, 施比受更為有福ma

我公司條team 都幾旺,除左我有左, 仲有2個準爸爸^^
身邊好多人有左, 真係好好好開心, 覺得大家好有緣

初時決定助養小朋友, 唔知有左Cheers, 係之後先知

時間上都幾接近

我覺得係緣份來, 要我地多做善事, 又幫Cheers 積d 福份

所以Cheers 出左世, 我都想用佢名義, 再助養多一個小朋友

施比受更為有福!!

懷孕27w

呢排我又食多左野, 成日好易見肚餓

體重好彩一直都增長得幾好, 無話肥好多

但身型就一定係變左無左條腰, 塊面又圓左, 手腳輕微腫左

腳踭上(小腿後)同埋手肘位...特別易乾易痕

以前我係冬天先有呢D 事發生, 依家就成日都係咁...

一R 就大鑊, 好易乾到流血, 要搽密D CREAM

仲有....恥骨位keep 住痛, 有時訓醒起身都要老公幫手, 腰又間中痛下, 要多用托腹帶

跟住近來.....打哈次仲漏尿, 為何停左練骨盆肌運動就咁

點算呀???

仲有.....之前好返的皮囊炎位置, 突然又痕痕地痛痛地....又要搽返藥膏, 好彩搽左幾日好返d

係澳門, 巴士搭車大多數有人讓坐, 去餐廳, 職員都會好細心換杯暖水俾我

係香港未必一定有的待遇, 我覺得係澳門享用, 感覺都好開心好受尊重好warm!!

遲下同老公一齊影大肚相, 諗住買定鞋仔俾Cheers, 順便用來做道具la

點知原來買波鞋仔係送埋個波仔, 好cute 呀!我老公鍾意個波仔

懷孕26w

Cheers 又叻左, 又多左胎動, 今個w.....2邊肚皮一齊郁, 好似係佢伸懶腰, 全身一齊拱起/手腳一齊踢到我咁

好可愛

不過突然有一晚Cheers 訓唔著係咁郁, 搞到我訓唔到, 我叫老公摸佢, 諗住一摸佢唔郁, 咁我咪有覺好訓

點知嚇到Cheers 打c egg(係持續性+有節奏咁彈一下, 係持續咁彈, 隔一陣又彈)

我地勁擔心佢飲胎水"續"親

驚係自己一個係肚入面好孤獨同唔舒服

不過之後有朋友講我知同上網serach 過, 打c egg係bb 學習呼吸, 練習個肺

所以之後再feel 到胎動就同Cheers 打氣, 叫佢俾心機努力d學習呼吸, 慢慢飲胎水呀, 爸bi 媽mi 係度陪你支持你咖

(p.s. 之後產檢有問過助產士, 佢話bb 係胎內打c egg 係學習呼吸, 練習好個肺, 預備出世就識呼吸, 出左世再打c egg又唔同喎)

有一次...好搞笑, 

係有間判頭公司送來果籃賀中秋

下款寫BB 我同同事講:bb 送來, 跟住Cheers 踢我

可能係咁橋, 不過真係好得意

仲有呢排食多左生果.....都少左便秘

其實自jm 同同事俾左materna我(我隔日食,因我自己本身有買到鈣片+魚油丸, 無理由唔食咁嘥)

食左materna 都無好似其他人講會便秘, 算係正常丫....係屎屎深黑色左d

去做產檢, 糖尿Test 我pass~^^

太開心, 開始放肆又食返d 甜野(之前都有少少刻意戒下口...反而私家叫我唔駛咁緊張, 妊娠係有呢d 問題

上次驗尿試紙有問題, St paul 方醫生一見到就掉左張result 紙落垃圾筒, 叫我唔駛咁擔心)

政府做的檢查, 可以去申請拎返所以報告的copy, 不過....產檢完去申請呢...

辦公時間係到4點, 我產檢完去到都關左門, 唯有下次早d, 下次一去產檢就去申請左copy 先

今年自己生日, 都無咩點特別慶祝, 只係夜晚食左餐飯

一來又唔係咩都食得, 二來自己走動都唔方便又怕撞親

但反而就....去左jm 屋企拎衫仔, 又去左換bb 野

好似自己開始咩都唔理, 只係分散d 精神和時間去俾Cheers 咁

中秋同99 做節

估唔到.....99 話乳鴿同燒鵝係食得

我真係唔敢食....呢2樣好似係毒....

有個咁開通的99 都好ge....不過我唔會亂食, 費事個孫有事懶我

99 好心急, 將佢朋友送俾我地的奶樽和包被, 一見面就拎俾我地

佢話屋企無位放喎

咁即第時都唔駛Cheers 過來玩過來過夜la...無位喎

其實好少野...都唔幫我地keep....明知我地又返澳門, 咁即係迫我地要去迷你倉一轉

有時真係好無奈, 點解自己家人好似同人地比, 硬係無咁好??