外嫁女

大時大節就會提早約家人食飯做節
男家女家都會夾好個時間....
唔會相撞係同一日
一直拍拖到結婚
我99 個邊都會提早做節...因為99個邊就埋舅父阿姨表哥表姐個D
而我娘家就做正日, 因不嬲我媽都係正日要拜神, 跟住個晚就大魚大肉好好餸


今年....年三十晚的團年飯....
夾唔到
我媽話佢年廿九做喎
我話我返唔到來( 因為我地係澳門)

然後我媽就話: 你係外嫁女, 做節飯唔返來食都唔緊要

聽到個下...真係想流眼淚, 我依家打呢篇野....一諗起外嫁女3個字....我又眼濕濕
真係好傷心!!

我係嫁左, 但我都係你屋企人來GA MA....有血綠關係GA MA
點解可以連團年飯都唔預埋我食喎
佢不嬲都好著重, 又話要齊人
唔知幾時開始....(應該係我嫁左之後)
佢就變成咁

咁我就睇...第日我細妹出嫁, 你係咪咁對佢, 定大細超

外嫁女...係我媽心目中係飯可以唔駛食, 但大時大節...要俾錢佢返去派
(我指的不是表弟表妹的利是, 而是每個長輩, 我年年都要俾定D 錢, 俾佢地返去派)
我媽話喎:你D 表姐, 堂家姐唔返去拜年, 年年都好識做, 會放低錢俾我地GA

這麼傳統的思想,  我真係希望自我個代斷左去....
我唔希望我下一代唔開心
唔係真心真意想做...我唔想迫人