2月搬OFFICE
3月頭終於搬到
大家無睇錯....係搬左差唔多一個月先搬晒(扣除新年假期,星期六日....大半個月一定有)
某程度上, 我覺得今次做統籌的HR & ADMIN TEAM...好無系統好無COMMON SENSE
(我係某team 小小秘書, 所以只係做team coordinator配合下)
講返搬office
點解搬左咁耐先搬到?
原因唔係by team 搬, 係by item 搬(因我聽以前同事講...以前係by team)
跟返schedule, 係各自pack 野,一星期後,先搬無上鎖一層層高高的鐵櫃-->放新年假-->搬side desk(所有高級同事係枱側邊有一張枱仔, 有小櫃桶) + 無人用的枱--> 小櫃桶仔-->員工用的枱-->3箱好重要的紙箱(其中一箱係要搬電腦過去先)-->員工櫈-->其他未搬的紙箱
(其他公家野....pantry , conference room 個d 就由返HR & ADMIN TEAM負責, 唔係我duties範圍)
最後係點?
估都估到...無跟schedule ....亂鬼晒
初時真係跟住搬....跟住有一日, 突然無工人來搬野
到第二日, 工人一來就逢見到pack 左, 貼好賿紙和label 就照搬 (俾在我係工人, 我都唔會同你分今日係搬咩la...搬到d 咩 就搬la, 係咪先??)
貼好膠紙封左箱....真係好少(因為除左放假同事pack 好先放假, 無人會提早pack 野, 唔駛用咩, 仲要返工ga ma)
跟住最後.....HR & ADMIN TEAM話幾號幾點IT Server 會停, 所以大家都pack 埋電腦la
咁有一日....大家臨放工, 好落力好開心咁pack 晒所有野
因為pack 埋電腦等於唔駛做野
haha^^
pack 好了....第二日第三日返公司.....好彩還有枱櫈...
我地就發mo咁坐係度打機吹水, 出去嘆早餐同lunch....食到幾點返來無人理, 早走都唔緊要, 因為打卡機都搬走了
估唔到公司容許員工2天咁無聊坐係度唔做野
~~~
然後到3月....返來unpack
大家又抹枱櫈, 又執返自己d 傢俬返來....settle down 好...咁又一日
~~~
今日係搬來新office 第6日
係比以前返工搭車麻煩左
不過....
我係某程度上....我個位令大家好羨慕
因為我唔係高層, 我應該係條team 最低層
但我地team 有5個窗口位, 我係秘書, 跟我舊boss, 如果佢未走, 佢就坐我隔離...所以我分到其中一個位來坐
仲要隔離有高櫃, 有side desk
其他工程師都無.....仲要怕走廊位, 驚行過俾人睇到做私人野和上網偷懶
令所有同事都好羨慕
成日大叫我做高層,又想屈我請食飯(講笑啫~~無被屈到)
來到澳門, 對比香港, 我真係覺得好唔同
係幾開心
因為呢度0壓力
全team 35人....除左我, 仲有2位女工程師
但其他全部係男士
之前有同事擔心我, 叫我小心男士講野好大聲好粗俗好咸....
呢d 除左係遇左, 其實同男士拍住返工
係幾好!!
因為唔多是非, 要搬野就幾個猛男自動獻身
做錯野, 佢地好少會話你, 因為我做錯係admin 野, 唔係佢地d 專業工程項目
仲有所有同事間中落下地盤, 又開會, 佢地忙到不停...無時間理我
我就自然係好自由身, 喜歡泡茶又得, 上網打機又得, 玩手機又得....
同埋睇住間酒店一日一日咁長大....好似好有成功感咁!!!自己好似有份咁(其實我咩都唔識...haha^^)
所以係呢度做得好開心, 我諗我會唔捨得走
