懷孕21w

Cheers 未出世....買衫仔都洗左幾千蚊

買左好多衫, 其他雜項都仲未買

希望之後有朋友轉贈就好, 就慳返d, 始終bb 好快大....

(P.S. 有同事俾左揹帶俾我, 遲下仲有Medela 奶揼俾我....太感激!!)

係鄧悅翹醫生個度照結構, 一切都正常

不過醫生講野好細聲

唔知係咪我訓得唔好, 又一大朝早

Cheers 照超聲波無上次咁好反應郁手郁腳....4D 都遮住面仔, 睇唔到佢個樣

恥骨位(陰部附近)....開始痛

成日坐得耐或一朝早起身就痛...

好慘乜都要慢動作, 要warm up...成個阿婆咁

Cheers 今個week 進步左好多, 胎動唔係踢咁簡單, 係肚皮劃一下

多左郁動呀!!叻叻!!

趁weekend 去左游水, 聽演唱會~

跟住仲去買左....榴槤同椰子的甜品食

好好味呀!!!(應該係因為太耐太耐無食過...)好彩食完無事, 不過忍左好耐口喇

懷孕20w

孕期期間...成日都便秘

明明有食生果同菜....

本身我都少少便秘...HAHA^^

所以都無太緊張便秘....

Feel到胎動, 今世情人哄塊面過來feel胎動，佢真係feel到 = 即係俾情敵踢左塊面一野

哈哈Cheers 的胎動....一野踢左落我老公塊面度

前世情人vs 今世情人round 1

笑死我!!

突然有一日....個肚好痛好聚....

要早走....

問左好多生過的媽媽, 佢地話唔太痛又唔係硬, 無事

所以我返左宿舍乞左2個鐘

好彩乞完無事!

唔知係咪呢....個肚好似脹大, 我唔習慣

產檢時都問埋助產士, 佢教我點check 宮縮

個方法係係肚4邊, 4隻角打對角咁按, 我依家應該bb 係我肚臍下....咁 就肚臍為最高點, 3角位上邊為最低點+左右2邊....

按下去.....睇下個肚係咪硬

有時按到其中一點係硬, 可能係bb 的身體...佢頂住左

佢叫我咁樣按....按大約1分鐘, 睇下鬆唔鬆到

如果十幾秒鬆到...即無事

一分鐘都鬆唔到, 成個肚皮都硬, 就開始要掃返係硬幾耐同埋幾密

例如一個鐘就硬一次, 持續幾個鐘, 又或者越來越密, 甚至越來越痛....

咁就一定要入院, 因為呢d 係宮縮

其他的...唔係咁密, 間中先一次就係大家講的假宮縮, 佢叫我唔駛緊張

我個時問佢:係咪亂按都得? 佢話最好打對角, 即按了上方一次就按返下方一次

做了準媽媽.....好忙, 因為要做功課, 有好多書、小冊子、資料要睇

睇左希望幫助到我湊和預備Cheers 的出世吧

好彩身邊好多fd, jm 都有經驗, 我有好多野可以問, 例如買咩牌子東西啱bb 用, 咁自己唔駛買左唔啱用, 嘥錢lu

趁孕中期, 安排左去洗一次牙

因為之前係咁流牙血....好容易一刷就流

嚇死我

補返鈣個排, 好似係好d....一停食鈣片就流...

牙肉都腫晒....

洗一洗就無咁腫, 之後就靠自己, keep住食鈣片同用下漱口水

懷孕19w

自懷孕後, 的確我覺得老公係比以前更關心我

有D 人話唔慣, 唔見個衰佬以前對自己咁好

我就無咩呢D 感覺, 可能平時對比依家, 老公都對我好好

相反....我自己都唔係無時無刻對佢好

又何苦要求對方咁多?

佢依家唔對你好, 仲對邊個好丫? 為左個BB...我覺得女人好大犠牲

又變肥又走樣又呢度個度唔舒服....最後仲10級痛+開刀

所以老公依家對我好, 我覺得係福份, 因為佢知我辛苦

佢對我好, 係雙倍, 因為Cheers 係肚入邊, 所以2份關心

佢依家...成日都黏住我陪住我, 驚我有需要搵人幫手, 佢唔係我身邊

我都好多謝佢, 就係佢成日陪我, so far....我都無產前抑鬱症

仲係做緊開心的媽mi

聽人講孕婦成日發夢, 我唔算係多(本身都唔多), 不過如果日頭有想過, 就好易係晚上發夢見到

不過尤其陀左Cheers 更信緣份, 相信所有野係整定

好似想book 一個醫生做產檢同照結構, 明明book左, 但有另一個更好的又俾我book 到

我就取消之前個booking

我直覺覺得呢個醫生與我同Cheers無緣

所以所有事, 來得自然就任佢發生

不強求, 也不去想太多

乞人憎的皮囊炎, 又再一次出現....

可能有第1次好易有第2第3次....唉....

依家陀住Cheers, 我真係好唔想食藥同搽藥膏, 好怕影響到佢

但....生係敏感部位, 又痕又痛,又怕發大....

真係要正視, 所以迫於無耐, 去睇下醫生

醫生都唔建議我食藥, 唯有搽藥膏

好彩地....幾日後有好轉, 再搽多幾日就消腫晒

懷孕18w

奶粉商D 講座....極之難抽到

(有D MAMA....係咩都抽, 為左要禮物, 但我身在澳門只能揀星期六日去上, 仲要同咁多MAMA 爭, 上到其中一個都算LA...)

今日好彩俾我抽到呢個

有3個環節:按摩,孕婦營養同嬰兒護理

跟住有陪月EE 係另一個廳教換片, 掃風同餵人奶姿勢

都幾實用

聽完講座, 係門口實有D 人係度叫你入會

個D 會...就係唔理有無入, 你俾資料佢加簽埋名, 佢之後幫你填晒

跟住就俾紗巾你, 呢D 紗巾...我依家都儲到12 條.....

慳返一筆

有人推介一本書<<媽媽, 我記得你>>

終於的起心肝去睇, 讀俾Cheers 聽, 點知自己都喊左出來

其實本書無想像中咁好睇...我以為成篇都係講出世的小朋友憶述返胎內記憶

原來唔係....係幾句, 跟住再加作者的描述

所以之後再讀都無喊lu

但我喊的原因係我感動, 因為我同老公有Cheers 的出現, 感覺好圓滿, 好有家的感覺

呢排食左好多野, 牛肉, 豆腐花個D....放上FB, 話Cheers 食左有反應, 有胎動踢我

點知居然俾人話我呢樣果樣最好唔好食, 其實陀b 啫...唔係坐監, 唔駛戒到咁清?

唔食係咪一定無事先? 雖然Cheers 未出世, 我都唔敢保証什麼, 但我食到...我就一定會為我做過的負責

依家d 人問我幾多w?我真係要望返日曆or apps.....過左3個月, 無成日記住自己第幾w...

去做產檢....驗到有蛋白尿

好擔心!!!係咪琴晚飲左阿媽2碗花膠靚湯先係咁? 平時都唔係咁.....

要留小便觀察, 希望無事, 有事我都唔知會點...平時聽驗到糖尿多....蛋白尿好似網上無咩網友寫

講起Cheers 的衫仔, 玩具....Cheers 居然俾反應我

係佢真係識聽丫, 定係咁啱?? 好奇妙呀~

同澳門媽媽聚會, 佢地生第2胎, 佢地好大膽, 會食芒果, 西瓜, 榴槤同飲酒

佢地話餵人奶都仲要戒, 依家反而唔駛點戒喎

所以同佢地食野, 都食左少少芒果同西瓜

之後同fd 食buffet , 偷偷食左榴槤雪糕