介意

在澳門搭巴士, 可能係冷氣開太大, 又或是門口附近或對住的位置
總有些巴士的櫈係有水滴下來

當然, 我見到係唔會坐,就算抹左, 都看似會再滴下來咁

但好神奇地.....見過有2次,我望住那些乘客上車, 見到張櫈係濕, 但車上係仲有位, 唔係只得呢個位

那些乘客可以若無其視,抹都唔駛抹張櫈, 就咁坐左落去

究竟係個乘客無見到張櫈濕? 定係佢地諗住條褲返屋企會駛, 濕都可以照坐??

真係好唔明....

但呢個奇觀....令我知道介意,對於不同的人, 個程度可以去到邊度?

(假設對方係知張櫈係濕都照坐吧)

同一件事, 我會好介意,但其他人會理都唔理,唔當成一回事

究竟係我的問題? 還是係別人的問題?

我諗無答案, 唔需要答案

但要明白一點:不應將自己角度放在別人身上看