命中註定,我唔強求!! 我的接受能力又高了

好中唔中....
又來一個病....
要食抗生素了

醫生知我想有BB.....但始終食抗生素唔好
佢建議下個CYCLE 先喎

如果下個CYCLE....加埋搬宿舍
再加埋之前求了下下簽....
睇來有些野係整定!!!

的確...我比上一次整親手, 我接受能力高左
反而我老公知道唔係呢個CYCLE 陀B
佢反應大過我
"吓"左好大聲

其實我覺得無咩野,因為呢個病, 我知會好
同埋我之前驗尿, 日日量體溫,
其實我當係研究自己M 期....
(唔係想陀B...都唔搞咁多野, 但變左就唔會觀察到自己會否身體有其他問題)

命中註定
我唔強求

隨緣....
如果有緣,我地一定做人爸爸媽媽
如果有緣, 他/她一定會平安健康出到世, 做到我地的仔女

如果無緣.....
2人世界其實也不錯

BOSS LAST DAY

生離死別, 係人一生之中, 可能會經歷好多次
建立了的回憶和感情,突然要停就停,不能再加落去

我BOSS 係年三十個日last day~
高薪厚職, 要同家人分開的佢
因為太太有病, 所以工都辭埋,佢要返去陪佢太太
(其實佢本身身型較為肥, 雙膝又整親過, 佢日日係咁行, 磨蝕得好快
醫生係建議佢要做身術, 但每一隻腳做完要休息至少半年, 做晒2隻腳就.....應該呢份工都唔駛做)
佢犠牲自己, 要做完呢個Project為止,但家人有事, 佢更加不惜一切

我都唔太識講咩點去用英文安慰佢,最後....我個小fans -Katie提議我送張卡俾佢
咁啱有同事話要同BOSS影相
我又借D 椅影張


跟住靈機一觸.....印一張出來,貼係張卡入面
寫好張卡
然後.....買一支佢最鍾意飲的ZERO 可樂
雪凍佢, 佢臨走前送俾佢

BOSS 話我好有心:"THAT'S REALLY NICE, THANK YOU SO MUCH"

雖然可樂唔係有益, 我地全部同事都叫佢戒,成日話佢仲飲可樂
(佢基本上當水飲, 佢成日話: sorry~~coca cola time)
但確實我唔知係佢臨走前, 送D 咩俾佢好
(佢要咩, 都唔駛我買俾佢)

我身為佢秘書, 成日做烏龍野....上次掉左佢要CLAIM 錢的2張船飛
累佢無左大約$500
但佢講笑咁話左我幾句....我話賠錢俾佢, 佢就話唔駛
佢上星期臨走前, 信用卡有問題,叫我網上幫佢訂船飛去機場,
我話我請你搭, 當還返果$500....
佢係都話唔駛, 一定要收錢, 叫我Shut up!

如此好的BOSS, 我永遠都記得
咁多份工, 遇過好多香港和外藉BOSS,
較易相處, 又成日搞笑, 又令我欣賞, 我諗只有佢-MARK

係我BOSS 請我, 我先有機會來到澳門做野
(其實佢請我做秘書....我係乜都唔識, 佢話到時跟另一個秘書學就得)
唔係佢請我的話, 我同我老公就分隔2地生活

佢依家應該飛左返澳洲
希望佢同佢太太係澳洲生活開心, 健康快樂
更希望佢太太的病能夠少D 痛楚, 活得有幾耐就幾耐

外嫁女

大時大節就會提早約家人食飯做節
男家女家都會夾好個時間....
唔會相撞係同一日
一直拍拖到結婚
我99 個邊都會提早做節...因為99個邊就埋舅父阿姨表哥表姐個D
而我娘家就做正日, 因不嬲我媽都係正日要拜神, 跟住個晚就大魚大肉好好餸


今年....年三十晚的團年飯....
夾唔到
我媽話佢年廿九做喎
我話我返唔到來( 因為我地係澳門)

然後我媽就話: 你係外嫁女, 做節飯唔返來食都唔緊要

聽到個下...真係想流眼淚, 我依家打呢篇野....一諗起外嫁女3個字....我又眼濕濕
真係好傷心!!

我係嫁左, 但我都係你屋企人來GA MA....有血綠關係GA MA
點解可以連團年飯都唔預埋我食喎
佢不嬲都好著重, 又話要齊人
唔知幾時開始....(應該係我嫁左之後)
佢就變成咁

咁我就睇...第日我細妹出嫁, 你係咪咁對佢, 定大細超

外嫁女...係我媽心目中係飯可以唔駛食, 但大時大節...要俾錢佢返去派
(我指的不是表弟表妹的利是, 而是每個長輩, 我年年都要俾定D 錢, 俾佢地返去派)
我媽話喎:你D 表姐, 堂家姐唔返去拜年, 年年都好識做, 會放低錢俾我地GA

這麼傳統的思想,  我真係希望自我個代斷左去....
我唔希望我下一代唔開心
唔係真心真意想做...我唔想迫人

尷尬的飯局

臨近大節日, 99 個邊親友會約埋一齊食團年飯

前2日就提早食左一餐

我都同左老公講唔想係飯局聽到有人亂講野, 俾壓力

之前未買樓, 老公語無輪次話做完咩就會做

大家即刻好緊張話: 做完D 咩?

唉....請問你講左去邊呀??

今次買左樓, 又係繼續俾人追問....

我老公....又語無輪次話:計劃緊, 俾D 時間

其實你唔講野無人話你啞囉....

"哦"一聲咪算LOR

搞到成枱人又問: 即係個D 未夠期,唔講得係咪呀?

我真係即刻黑面, 想點呀?

我真係有左, 如果個B咁小器咁樣無左, 我就以後都唔生!!!

果下真係好唔開心!!

可唔可以俾D 空間人....

有左唔會唔講你地知, 唔好下下都用呢個來做話題

新年過後, 如果仲係未有....我唔會再去任何呢D 場合, 我唔想....真係唔想再係咁俾人講落去

我知大家都講下笑, 搵個話題

但我真係笑唔出, 因為從來由買樓到生仔都無人幫, 有幾辛苦, 要點慳錢, 係無人知

有D 人好彩有人借埋錢去幫手買樓, 有人生左有家人湊B

我地.....自己顧自己咋

所以他們全不體諒, 仲用來開玩笑

我真係接受唔到.....(我係覺得每講一次就銳你一次心口咁痛....有苦自己知)唉

禮讓的老公

一直以來, 老公做左好多野
我覺得都好抵讚

由拍拖個時到依家結左婚都係
佢見老人家大肚婆, 佢一定讓座
又會扶老人家上巴士
幫那些手抱嬰孩的媽媽,摺手推BB車, 什至拎埋上/落樓梯
有需要佢會按lift制讓其他人先出入

最近仲見到佢扶盲人行路
主動幫遊客影相

還有一大班人食飯, 佢會識得幫所有人分餸裝湯

其實我自問...我真係唔會咁自動自覺去幫人(讓座例外)
認真係有點漸愧
不過係佢隔離, 唔多唔少我都俾佢感染左
好事都唔怕學
幫到人自己都開心


不過有時我會覺得佢做得over 左

好似有一次, 2公婆掛住推bb車入lift, 2個都唔按lift 制
反而我老公走去按, 仲讓人行先
所以一出lift , 我拉左我老公走
其實我覺得個2公婆好協調lor
2個掛住個bb....

所以幫人係好, 但都要睇情況, 睇能力
但我會自豪有呢個咁好的老公

預備過程

認真算好彩的我, 之前結婚要搵資料, 個時有份HEA工上到網搵到好多資料
依家預備想生BB....都好好彩有份HEA工

要等做埋BODY CHECK等埋報告, 過埋M period先開始"造人"
呢期日日量體溫,驗尿....

再一次俾我知道自己身體係點樣
原來我M period 係準時, cycle 35日....
我平時有mark開簿,但無數日子, 到依家....個apps要入資料
我先數....之前唔係太定時,依家定時左

然後到量體溫
要每朝起身,唔好郁, 就要放支探熱針去脷底(呢個最麻煩....)

仲有用埋驗尿，又要不可用晨尿，又要測試前2小時少飲水

其實搞咁多野，可能比原本隨心嘅一次來得不自然
不過仲有一個月先開始....就純粹想藉呢個機會，反正都預備咯，不如就留意多啲自己&學識更多名詞
咩時段係排卵期，咩時候係黃體期，咩時候抵抗力會差啲，咩時候體溫會高啲??

唔做下功課，真係唔知
原來都幾多樣係我身上, 我係忽略GA!
希望自己身體係正常其實已經好夠, BB....就看緣份

始終生唔生到, 唔係到我揀
唔生...其實都好, 因為唔駛痛唔駛洗錢唔駛擔心唔駛走樣唔駛變肥C9, 還可以領養一個
wahahaha^^

~~~
不過.....傳宗接代就變左好重要的item
成日要同人交代....
這個最唔鍾意
以前唔開心ga....
因為想買樓先,無一個長輩明白...
只得我同老公死慳死儲, 有苦2個呻(同輩的都明, 但大家都係無奈)

所以如今, 做了業主,
其實已經鬆左一口氣
係更加開心
本來無咁快想有bb....(怕又供樓又養b, 同埋還在澳門工作, 什麼都不方便)
但現在唔再plan 呢d, 因為有層樓, 點衰....都有個物業丫
所以咩都好, 咩都會順!!!其他野就到時先諗la!^^