當男人肯為你洗錢...

曾經有好多次出街, 我見到想買的東西, 但太貴...
會忍心放低唔買....
我老公一見到, 就會問我做咩唔買?
我話:太貴...唔捨得, 再睇下點先la
老公就二話不說, 拎出來個銀包, 幫我要個新, 買左俾我

我唔係專登每次都係唔捨得買咁ge 款...
但的確...太貴....我就唔想買
好想搵到其他代替品, 慳得幾多得幾多
p.s. 咁我買的....都唔係幾千或幾萬咁貴...只係我覺得唔抵買je

~~~

除左係shopping...
食野都係...
朋友會係fb...見到我地成日出去食
我同老公去撐枱腳
除左喜歡揀唔同的餐廳周圍試下
我其實係menu 上....都會揀....盡量食平d果款
除非某d 食物好想食
而老公首選一定係揀蝦俾我食, 佢知我超鍾意食
但其實我真係無所謂, 唔一定出親去食都食蝦

而叫餐, 我係好慳....叫2個main course/ 餸, 就叫一個白飯
2個人食一個飯, 食晒d 餸去
但有時, 老公會覺得唔夠, 加多碟餸
老公會話: 唔緊要la, 同你食

~~~
而琴日....
澳門個度, 要搬宿舍, 我有點嫌棄要用人地的床褥, 好想買張新
但....實在太貴, 所以想轉軚, 加張床墊算數
點知老公話:唔緊要la, 同你一齊用, 用一年都抵, 原本個張俾我用來放落地健身個時用la

~~~

感覺上, 我好似好慳家好似唔得大體.....變左老公洗多了錢
其實我知我老公好鍚我
佢為左我, 其他方面慳d, 都想我開心

我聽好多朋友講佢d 老公/男朋友, 講左想要咩, 都唔理佢ga
但我老公係上心, 係捨得
真係幸運, 嫁到俾佢
唔係要同其他人去比較自己老公做得好唔好
但至少....跟另一半相處....佢肯為你付出
唔係以錢排第一, 係以我開心為第一....呢個已經係比任何重要