懷孕4 w

3月失敗了, 4月不設防

其實整個4月do 完後....我下邊三角位係有感覺...陰陰一下一下咁痛 (原來呢種感覺, 我係會記住, 唔怪得我上次不停咁樣.....m 到都有呢種感覺, 仲以為自己bingo)

不過自己同自己講: 上個月咩都齊, 都唔中...今個月又係咁, 我唔信會中

叠埋心水, 諗住都係隨緣唔生住, 或者返hk 先打算生la, 始終係澳門陀住....產檢湊b好似都唔方便

仲plan 緊下個月出糧多d 錢買定機票預備11月周年結婚記

最好分散注意力方法, 諗下去旅行

咁去旅行個時又會有機會dodo...可能到時會bingo 呢

同埋係4月中....突然有朋友share 話幫佢仔仔捐錢去一個機構

我就諗..我一直好想助養一個小朋友ga, 不過咁多年都係得個講字

所以上網搵資料, 搵到宣明會, 望到一d 介紹....突然我眼濕濕, 好有衝動要去助養一個小朋友

返去問過老公, 老公都贊成我地一齊助養個小朋友, 當積d 恩德, 希望同bb 種多d 緣份

所以我就決定供養一個!

一直無為意自己身體, 有幾日放假, 妹妹同朋友過來澳門玩, 我做佢地導遊, 帶住2個0靚妹周圍走

但.....玩左2 日....慢慢開始....我感到超攰....突然會好眼訓要即刻訓落床個隻, 初時還以為自己老la....行足一日原來開始頂唔順

事後諗起先知......

仲有一日....同同事去食buffet lunch , 凍野生冷野...乜都食齊

真係可以話未知前, 破晒戒!!!

2015.4.20

前幾日, 仲同老公講笑:我逢親m 前一定突然有日無程程發你脾氣....今次居然仲未喎.....不過M 應該差唔多到(因為次次都算準時)

初時只係講笑....

但突然係4月20號呢個早上, 突然心血來潮, 不如驗下, 唔bingo 就.....帶定m 巾返工先

沒有期望....所以.....一望到個結果, 係唔太大感覺

但...就一朝早整醒老公叫佢睇

佢訓都未訓醒,眼都睜唔大, 所以望唔清支棒上面寫左乜東東

我話:"叫得你睇一定係有野la"

跟住佢終於睜得開眼, 望到支棒上面寫d 咩....

佢係床上, 舉高雙手,開心到震個表情, 哈哈, 我到依家都仲記得

今次我都半信, 因為上個月我又係買呢支電子野, 驗到未not pregnant

今次驗到, 同一牌子....應該都準

跟住諗返....其實過去呢2星期....我真係好攰, 要狂瞓....煮餐飯食完就碗都唔洗要走去訓

試過中午返左一陣宿舍, 都係梳化到瞓左半個鐘

跟住拖地....拖左一陣出晒汗

胸係有大....以為m 到嘛

下邊陰陰痛, 今次好叻, 唔當一回事, 無緊張, 居然就.....(其實我對自已壓力處理都幾叻!!)

咁呢個時候, 知道左, 就開始要小心

一定係小心飲食, 唔好太勞碌, 問下身邊已當媽媽的朋友們, 下一步應該點做?

p.s.支棒寫1-2 w.....其實同醫生計法係唔同....

因為醫生由m 第1日開始計, 應該會再多2w

所以即刻網上爬文, 知道原來m 第1日計起, 先完整(咁即其實陀b 無10個月咁多la....係9個半月haha^^)