拆了線

傷口到12月29號才拆線

之前預定想拆線....點知...醫生又話唔得住, 又等多幾日
終於拆線個刻, 驚痛到飛起
不忍心望, 但又想知....最後原來個種痛比我想像中小同埋短
我還以為剪斷條線要拖出來.....
點知原來線好短....剪完扯左一下, 痛1秒左右...
就拆了一條線

咁都驚到我標汗...
生仔個時都唔知點算, 都係想清楚先生....

明天傷口拆線

切親手指....到聽日就係第10日

呢10日來,除左自己戒口, 又煮唔到飯(老公唔鍾意洗碗, 所以變相都唔會係宿舍煮飯)
我同老公餐餐出去食, 我地變左食得清淡左
因老公不忍只係自己食, 有時share 的餸....都會叫d我食得
真的。。。很感動
係我自己弄出來的。。。還間接影響左老公
不過我知我老公係陪我共患難的人
如果唔係，又點會咁樣陪我食左10日都無怨言
佢又唔會唔想同我食而約同其他同事食飯而剩低我一個

明天要拆線....
隔日洗一次傷口, 姑娘有時不小心整到連線的位置, 都痛到我死
明天拆線...我想無得打麻醉針
就係有, 我想....唔打好過打
上星期打左6支...好傷身體
明天希望我忍得過
因這個不算最痛, 最痛係生仔, 呢d 小痛, 我唔驚ge!!!
我實捱得過
好快唔痛, 好快好返~(希望傷口埋得好好地,因為仲有瘀血係傷口附近)

p.s.前幾天同姐姐傾計, 佢同我講佢琴晚睇電視,講左一件事,幾有道理:

有個人去開車, 點知遇到車禍就咁過左生, 如果那個人係屋企仆親或撞親, 可能就係咁唔出門口, 咁咪不會無左條命

有些野整定,一個人要係有事可能點都避唔到,避到呢一關, 可能其實係下一關避唔過, 所以有事未必一定係最壞, 可能係一個提示,自己未必小心就避得過, 係有劫要俾我遇, 就當係自己經歷的一個remark 吧

衰運快D 走LA

超黑仔, 勁整親....
繼去完峇里....
除左當時俾人撞到門牙....
跟住我又差D 拗柴, 然後再仆親, 左腰同膝蓋瘀晒....

上星期.....黑仔到....自己斬到自己手指....
半個鐘不停流血, 要去醫院連左5針, 打埋破傷風針
因為觀察左我撞親的門牙2星期都無問題, 所以整返舊牙套
我上星期......一共打了6支麻醉針, 做左牙套和連針的小手術

唉....咁大個人...
估唔到自己咁輪盡
仲話要生bb....自己都睇唔住自己呀


不過好彩個人無事
還清醒, 失血唔係過多.....
不過要戒口....所以希望自己復原得快吧

同年的你正在做什麼?

同一個識左好耐的朋友傾計

佢改變左佢以前的理想, 轉左第二個理想
雖然見佢都係向住目標出發

但令我好質疑係...以前的理想原來可以改?

而我呢??

我好似無咩理想
一來讀書唔叻, 轉數唔快,又唔係家境有錢
普通人一個
而我同佢係同年

佢都唔係讀書好勁的人
唯一可以對比係我結左婚
佢拖都拍唔好

30歲
其實都不停叫自己好好珍惜時間
因為你唔知你係過左你的人生的1/2定1/3
好命就活到90~唔好命....可能隨時....

我無咩理想, 可能更加無咩方向
但我能做就係....適當時候做適當的東西
知道係時候結婚就結
要生仔就生
仲要多做運動, 食得健康, 保養多d

希望幾十年後....回頭望返呢個30歲, 係精采咁過

你呢? 你的人生又如何?

好同事@澳門

哈哈, 遇到一班好同事, 算係好彩
仲要係一班好好的男同事, 佢地又肯Sharing,又肯幫手/教我野,有好野又益我, 又gentlemen, 又照顧我感受,又有禮貎,間中又車埋我放工
真係相當之難得!!可遇不可求~

大家唔好誤會, 我對男同事或男同事對我有意思
佢地大多結晒婚
學歷和工作經驗都好多

我之前有舊同事兼朋友, 叫我小心d, 地盤返工d 同事可能好多粗口同講野粗魯無禮貎

但我想講呢度d 同事係我從來未遇過咁好

有同事肯share佢屋企人的相, 買樓心得,近況

有同事仲話有咩事要借錢都借俾我

我有野唔識, 去問佢地, 佢地直程教埋我點做, 幫我問多次boss 係咩事(因我英文太差)

我office 走廊位通道, 有張會議枱打橫放, 有人一坐係度開會, 其實都令我好難行過....琴日同事發現夾手夾腳搬左張枱變左打直放

粗口.....大家好少講, 可能佢地都較為有修養或唔係我面前講

有位同事好好, 送我同老公一人一張gym pass 俾我地試用個gym

有位同事都好好, 有coupon 送俾我用

有位同事都好好, 同我傾緊計, 驚後面有人撞到我, 叫我小心都好輕聲好有禮貎

間中同事方便, 知我難搭車放工, 都車埋我走

所以係呢度同大家一齊返工, 確實比香港好好多
至少無辦公室政治, 無踩住你上位
真係好難得好好彩

鍾意這個工作環境

依家來左澳門工作
好開心好自由

遲到早走....唔會話俾人鬧咁甘
去幾次廁所,裝幾多轉水,食飯食幾耐
通通都好自由

同事又好nice....基本上撞到見到, 唔識都打下招呼講句早晨
感覺好溫暖

有時公司又搞下D 活動俾員工同家人
我BOSS 又唔多管我

如果係香港都搵到呢D 咁GE 工就好LA

係澳門工作呢1-2年, 當係好好休息下
之後返香港可能又再緊張過

PS.出來做野咁多年, 轉左好多份工
終於有一份工係自己鍾意, 我知呢一份工都唔係永遠
可能隨時俾公司炒(因為BY PROJECT BASE)或者PROJECT完要走
但開心得1日就1日, 係香港應該搵唔到呢D 咁寫意咁自由的工

經歷改變了成長

今日食lunch
哈哈, 又揀左我最愛的珍珠奶茶來飲
勁多珍珠呀~~超鍾意食

珍珠唔係人人鍾意食
我唔係曾經係珍珠奶茶鋪做過part time
我諗都唔會愛上珍珠, 只係覺得呢杯咁甜的東西好貴...唔抵飲

沒有過去, 又點會有將來

不怕告訴大家
今年我都3字頭, 雖然唔太大變動
就係上星期去旅行整親+ 同奶奶傾過我地將來家庭生活
感覺我係時候要做d 野
要學識保護自己, 要更加照顧人, 做事唔應該再大意

好期待往後的生活過得更多姿多采
辛苦捱過2年, 好多親友都話我地唔應該堅持買左樓先生bb

我想過...我堅持係無錯
因為撐過左呢2年, 有樓, 我地真係可以plan 下一步(做了少少research....原來生仔唔係好貴)

開始同老公計下條數, 然後要努力發奮"做人"咯~

用我來做擋箭牌

琴晚同老公公司同事食飯
其中一位同事就趁我老公唔係度, 就同我炸型....

個同事同我講的意思, 大約係: 我老公好鬼錫我, 成日又幫我買面包做早餐,又返屋企煮飯仔,但係過來澳門做野可能幾年, 當識班朋友, 所以希望我多D 通融俾佢出去同班同事食飯, 減下壓

其實我真係有D 尷尬

一直以來,我都唔阻我老公去出去交際應酬, 因為我老公一直好自律
佢有咩會以我為先, 有同事以為佢要拎PERMIT 先可以去玩

錯晒!!!!

確實, 我對我老公好放寛
我亦係一個相當獨立的人
我跟我老公過來澳門,唔係要管住佢, 係想佢唔好俾班朋友帶去賭場賭同埋照顧佢起居飲食
我支持佢約人去食飯, 我咪自己食,食完飯執下屋做下YOGA, 不知幾好
我真係唔介意,亦都好想間中自己有一個人的空間TIM

但偏偏.....我老公永遠係人面前曬恩愛, 但人地以為我係老虎"那"(我唔識打果那字...)
對我來講....擋箭牌無問題
但有人投訴
我真係覺得好唔開心....

好唔公平, 俾人誤會
俾人以為我唔通情達理
明明我唔係個類人

唉.....
好彩係同事...(仲要係可能來澳門先有聯絡, 離開左澳門就唔再成日聯絡)
如果真係好FD的朋友....
我諗我無地自容

以後都係唔去佢同事聚會, 費事俾人話我唔通情達理, 食餐飯都跟埋來

終於做業主

好開心,終於俾左細訂金和簽左臨約
我地預備2個月後做業主

這個單位得來不易,
過程真係充滿緊張
最估唔到係....第一次做業主, 係自己SKIP左地產
自己搵律師做買賣
學到更加多當中的步驟

我諗都唔多人會有朋友咁啱自讓又啱心水的單位
所以今次機會係好難得

這是結婚2年的一份大禮物
估唔到結左婚2年, 我地儲到呢一筆錢
做到呢個大project

跟住落來, 雖然係一個更大更長久的project
但人生有了目標, 幾難都好
都係有個盼望

多了一個身份, 多了一份承擔
希望我地的將來更順利, 更有意思
^^

平常心

捱過了期待

有可能跌落失望

不想讓自己極度失望....

唯有就抱住平常心


又係果句:係你就會係你ge

所以若然無緣, 我們也不強求

就隨緣, let it be~~~

願一切順利和成功

經歷儲錢, 做功課, 共識

終於可以再行前多一步

希望呢個星期六日, 順利和成功, 完成到呢件事

經歷使人成長

錯過了機會後
下一次再來一次, 就要把握
今次已經做足功課
隨時ready la!!!

真係好期待~~
期待左好耐, 過程係好辛苦, 唔開心
現在守得雲開見月明

搞掂呢件事, 放低心頭大石
跟住可以move on 去下一件事
(更加令人期待!!!!!)

對象是你

每一個人，作決定都會三思

有時就係過份小心

最後損失了最好時機都唔知

我也不想無情，但我真的接受唔到無了期的等候

我都係人，我有嘅青春係晒呢度

什麼都做不到，最終換來就係這樣嘅結局

我做一個預告，已經係好人慈，眼見機會錯過左2次，俾人捷足先登

我真係開始攰.....

唔預告，我可以嘈交，然後一走了之

愛不可太遲

機會到，也不要太遲去把握

否則得一失二

人與人相處

在乎我的人，我會加倍在乎！不在乎我的人，你憑什麼讓我繼續？
……在乎才會亂想，不在乎連想都不會想
(原來有些人....我已經唔再在乎....)

……慢慢的，長大了，卻感覺變沉默了，懂得多了，卻不快樂了！
(這個絕對認同!!)

感恩挑戰?

前排玩完淋冰
呢期又興感恩

如果傳到俾我, 我要數~何止5日裡面數3樣
其實真係覺得好搞笑
要人地點你名先去做, 即本身.....大家都唔識去感恩?

我自己本身每日都有寫日記習慣(係手寫個隻)
所以每日開心唔開心同埋得意的....全部寫晒落去
如果叫我要數算每日感恩事
的確係唔難,數算活左呢30年要感恩,亦都唔難

不過....呢個活動背後係提醒大家,多保持正能量, 要多感恩和反省
唔係只係玩遊戲
(我見有朋友話前一日唔記得POST,今日要補寫返or 順延一日
有一個朋友仲搞笑....話怕唔記得....一次過找數,寫15項出來)
感覺就係玩遊戲, 永遠有人唔跟規則

~~~

我都來講返幾句感恩說話
(如果大家有飲我個餐都知, 我多口水.....致謝個度講左好耐, 有2版紙)

感恩我係度有得寫有得POST~
身邊美好的事有很多
例如爸媽生得我咁高大,樣子不丑,身體健康,好正面好積極咁每日生活
偶爾當然有唔開心,但身邊都有支持自己的家人和朋友
遇到的朋友都不差, 尤其遇到我老公
雖然未有樓未有小朋友, 但人生都依然係有個目標, 總比沒目標好
學業唔算好, 但慶幸我都做過幾間大公司,見識唔少,決定要過來澳門做野, 半個月就見成份工
人工唔算唔多,但至少夠食夠用

~~~
你們今日又數算左幾多開心事?
盡量開心事就笑多一點,唔開心就唔好諗咁多LA~
咁個人都會正能量多D

我的朋友們, 大家都要努力FIGHTING!

唔想就唔好去夾硬來

琴晚一個人, 所以去了Pacific coffee 個度睇書<<讀人>>

這本書係舊同事推介
要讀一個人, 要客觀
客觀的大前提係自己唔好有情緒影響

"發現自己的舉止無法如常態般氣定神閒，就表示你被“需求”如役而不能用頭腦讀人"

"別在肌餓時購物"

書入面睇中呢2句,啟發我就係唔想就唔好去夾硬來
有一個親友, 令我有種透不過氣的感覺
基本上, 我好想去逃避去見到佢, 唔想同佢講野,因為怕俾佢話
唔知點解...我唔識去面對佢

我知身邊的人為我們的關係著急,
好想我們多見面去化解呢個恩怨
而知情的朋友, 都勸我要面對, 遲下會無事

我琴晚睇左呢本書, 突然叮一聲....
閃過了一種感覺係....
我唔需要刻意去討好呢位親友,好像 "別在肌餓時購物"同樣道理
我知我現在去評論佢,一定會不客觀,因為我不是"如常態般氣定神閒"
而我可以做的是: 什麼都唔好做
所以我以後唔會再因為身邊人著急想我們和好
而再勉強自己去惡補關係
因為佢不願
我也不見得好情願


沒必要令自己唔開心
沒必要令自己透不過氣
沒必要去勉強自己
沒必要去想這個人(無佢, 世界仍在轉,我還是好好生活著)

沒有這個人,我還是我
所以我決定唔想就唔好夾硬來

渴望的將來的生活係點?

渴望的將來的生活係點?

問起這個話題, 我真係唔識回答
細個一定會諗大個要有車有屋有錢有份好工
係無想過有個家....

出來做野
認識了第一個男朋友
(都有講過結婚, 但個時拍拖拍到好慘,成日嘈交嗌分手)
所以未來的生活???
未真係想過究竟係點
因我經常都同自己講:無左邊個係唔會死
所以一個人係可以生存到

或者係未到果個時候,未去諗有關的問題
直至遇到我老公....拍左唔知幾耐
我地想結婚
一切都好順利....我地到依家結左婚

(題外話, 最近....睇左TVB 個套沒女大翻身
其實有少少係要警愓自己
其中有一個叫CAT, 佢為奉承其他人, 放下自己
要做乖女, 做個好家姐
人地講就要做, 只會SAY YES ,但原來自己好辛苦係唔知
咁樣會無左自己)

然後老公前幾晚問我:你想將來點樣??
這個都係一個好問題...而確實我無想過

而眼見其他已婚朋友都開始有仔女
我同老公都好恨
不過當然要買左樓先LA
之後有能力希望可以生到2個
而我做全職媽媽定出去做野請個工人....我諗依家都係太早去諗
確實係要睇到時老公個賺錢能力
因為我都唔想佢辛苦(我又係為左人去諗)

我都唔知
將來....唔敢諗太多, 怕期望越高失望越高
人大了...就很怕痛
怕自己心痛.......

工作+家庭

前幾日....跟朋友閒談下
我發現我自己原來係出來做野呢10年左右....
我原來做過12間公司(唔計幾份PART TIME....)
即代表我都轉過好多次工

有2年...好記得....一年轉3份工
好好彩地....做的係大公司, 講個名出來, 大家都知係咩機構咩公司
因為入到大公司的緣故,或者就係咁....所以都容易去見成其他工

其實我好想安定去做一份工
成日眼見朋友D 工做3年或上
我就.....最長個份係2年半
好似坐唔定咁

細個....容忍力我真係比較少....
郁D 唔滿意個同事,個BOSS...甚至係客人
我就想辭職
希望轉去下一份, 就避到果D人
但轉落轉去都還是撞到呢D人
所以現在要下定決心去係一份工留耐少少....
(當俾試驗自己~)

而因為老公過左澳門, 我又身痕
一下子就話走過去澳門跟住老公做野
在某些朋友眼中, 我都算叻
因為我話搵就搵到係澳門的工作
而且過程都係順利.....(由計劃去過,再SEND CV....直接過來INTERVIEW,花左半個月)
可以話係之前的工作經驗, 有related 卦
亦好彩係之前都想轉型,轉做類似的行業
所以澳門呢度就啱晒

下一份工.....要返香港
琴日同老公傾....話我返香港的工作去向
老公話:你仲想做呀?做少奶奶la

我開心咖....真係由個心個度甜到笑出來
做少奶奶呢份工其實會有d 悶, 但到時我有我地的bb 陪住, 應該幾忙
等待呢一天來臨!!!

ALS

呢一排真係不停追究竟邊個藝人明星淋冰水落自己個身上?

ALS 有幾多人明係咩來? (肌萎縮性側索硬化症（ALS），又稱運動神經細胞疾病（MND），目前沒有有效的治療方法。)

俾人挑機唔輸得, 所以玩一餐再挑下一個機?

我唔算係一個大好人
但如果讓我知道捐錢的目的同埋幫到邊類人
我盡我能量, 我都希望幫下手
尤其係那些突發的天災

而今次, 望到網上內容.....寫這種病的人係....
全身肌肉萎縮，由指頭漫延全身，直至肺腑、喉嚨及舌頭都癱瘓。不能動、不能說、不能吃，連呼吸都需依賴儀器，神智和感覺卻保持清晰。

暫時還未有病去醫治他們

我覺得我都應該行動下

所以問過老公, 老公都同意

我地係聯名戶口捐1000蚊出來俾ALS 病人

自己親手打埋封信, 寫低捐錢目的,就一併寄出

但願病患者振作、堅強和開心過每一天

也祝願身邊朋友要多注意自己和家人身體,因為唔係樣樣野係必然

用時間用行動証明一切

永遠不需要向別人解釋,因為喜歡你的人不需要,不喜歡你的人不會相信

活到呢一刻, 才明白這個道理
為何想法如此轉變, 係因為前幾個月跟家人吵左一大鑊

吵架係傷感情
亦因此令我覺得....最愛我的家人都唔明白我
(成日想解釋,因為我一直以為我肯講他們一定會支持)
但原來.....我太天真
心是很痛,奈何不可改變是關係
所以永遠講唔明﹕、解釋唔明的....我一反駁, 家人就會與我更激烈反駁

我當然明白家人是關心我著緊我
而從小到大,我都算懂事的一個(我爸爸認為係, 所以有時會跟我討論某些大人問題)
而為著我自己將來
因為無人幫助下, 當然係自己的意願行先
我再唔可以顧慮別人的想法太多
因為我都要量力而為

每每一回想起幾個月前的吵架, 我就眼濕濕了
我也不想這樣
但這種感覺令我實在心酸心痛
所以我決定....唔再同家人吵
收埋係心入面,敷衍回應下....
或者唔傷大家感情

用時間用行動去証明一切
這樣還來得實際

狂蜂浪蝶

其實論樣貎,我唔係一個靚女,
不過....有朋友話我就係對人真
我自己就覺得....我會主動去識朋友仔
而男性同女性朋友的比例, 我較容易識到男性朋友,因為同男性傾計, 感覺舒服好多,唔會太多隱瞞,又唔會話太多胡思亂想(因為他們思想較為理智直接)

可能就係以上各項.....引到好多狂蜂浪蝶飛來我身邊
不過我個d狂蜂浪蝶(即對我好似特別好,有明顯動作表示個d)10個有8個都係大過我10年
[當然....我ex 同我老公不是....所以係10個裡面,2個係後生....10個有8個老<---係大概的意思]

除左我有狂蜂浪蝶
琴晚呀...同老公去跑步, 突然我問起佢
佢都話佢以前有....(我唔問佢唔講>.<)
不過哈哈~~~佢不為所動, 最終揀左我
YEAH!!

(其實我覺得我老公真係能夠吸引到異性
感覺佢同我一樣, 又係鍾意識朋友, 對人都真)

有幾多狂蜂浪蝶....我相信我同老公都對對方好夠信心
唔知點去形容那種感覺
但我知我同老公都唔係個D得把口講的人
係會用行動証明一切的人

每天愛你多一些 - 續集

無想過呢個topic仲會寫多一篇日記

事源係琴晚,老公刷牙比我早
佢問我:刷左牙未呀?我幫你"支"牙膏
當然我好開心~佢都為我做呢個動作

而最surprise 係....佢知我要濕左牙刷先"支"牙膏
(而我老公係鍾意"支"好,將牙刷再濕少少水,
所以呢一排幫佢"支"牙膏,都係乾身"支"係上面,等佢自己刷個時先濕牙刷
因為有時我"支"完佢唔係即時刷牙)

從來我都覺得男人粗心大意,有時係會好好記性,但有時就....
都唔緊要, 我都明白!我都唔係咩都記得
但"支"牙膏呢個動作
仲要係我地好少好似睇戲的情節.....一齊刷牙
(除非係去旅行, 有2個洗手盆or 趕時間先一齊刷)

但估唔到....佢知我有個同佢唔同的習慣,仲要係咁細微....
細微到....係濕水先定濕水後先"支"牙膏
原來佢都記得

找到一個將你所有的東西都記入腦的人
是相當的幸福的事
多謝你, 老公

介意

在澳門搭巴士, 可能係冷氣開太大, 又或是門口附近或對住的位置
總有些巴士的櫈係有水滴下來

當然, 我見到係唔會坐,就算抹左, 都看似會再滴下來咁

但好神奇地.....見過有2次,我望住那些乘客上車, 見到張櫈係濕, 但車上係仲有位, 唔係只得呢個位

那些乘客可以若無其視,抹都唔駛抹張櫈, 就咁坐左落去

究竟係個乘客無見到張櫈濕? 定係佢地諗住條褲返屋企會駛, 濕都可以照坐??

真係好唔明....

但呢個奇觀....令我知道介意,對於不同的人, 個程度可以去到邊度?

(假設對方係知張櫈係濕都照坐吧)

同一件事, 我會好介意,但其他人會理都唔理,唔當成一回事

究竟係我的問題? 還是係別人的問題?

我諗無答案, 唔需要答案

但要明白一點:不應將自己角度放在別人身上看

每天愛你多一些

習慣了身邊有個人, 如何可以令你更愛他?

前陣子, 睇到一篇文章, 分享了一位先生, 每天先刷牙就是為了"支"牙膏俾太太
太太當然係開心同埋ENJOY 有先生為自己"支"牙膏

睇完文章, 我回到宿舍都即刻試下, 第一次"支", 真係幾有學問
究竟佢"支"幾多好呢? "支"左佢會唔會以為支牙刷唔係自己, 唔用GA??
所以"支"左牙膏都係要話聲俾老公知

我又唔介意係老公為我做, 定我為老公做
但就係嘗試下好似文章所講:每天愛你多一些

習慣了, 會變得不懂如何更愛你另一半
(因為平時好多細微野做唔做, 或做漏一次半次,
對方都唔會嬲都一樣包容你, 但久而久知....
人是有惰性....就忽略了如何去學一個人)

就係咁, 所以再細微的都試下為對方準備
自己又可以清楚了解他多一點, 他又會好感謝好SWEET 咁笑一笑多謝我
這種互動, 係一些維繫婚姻的小關鍵

現在我還會替佢預備其他野, 而我講過佢又有做的東西, 我又會錫一錫多謝佢

為自己愛人, 額外做多一點, 都唔過份, 因為呢個人還有下半世跟你走下去

老公,我每天愛你多一些!!

真心交的朋友越來越少

這陣子, 幾位前公司同事都whatapps 我, 問我習慣了未(我都好surprise~原來我無被遺忘)
當然還有些好朋友,有些是8卦好奇, 但有時真的是出自關心

人大了,好似越來越少朋友
尤其當結婚後,有家庭有小朋友
因為專注力、精神、社交圈子都放在不同位置

識朋友除了要真心
或許還要主動
若然他/她不主動去想結識你, 你如果撩他/她傾計, 都唔會傾得到什麼話題

10年前, 我都好活躍去識朋友, 好鍾意周圍朋友出去食飯傾計
現在, 除了黏家這個那麼好的藉口, 我也不知如何說
或許個個都忙,只靠fb 和whatapps 去維繫友誼吧(很冰冷的感覺)
(但我倒覺得以前用電話/sms 去同朋友傾計, 好似溫暖d)

大家又認同嗎?

執著不變的我?

呢一排為左11月周年旅行, 不停留意住機票幾時做特價
等左2星期都未有....未訂到機票
其他轉機機票要係中途站停留幾個鐘至1日不等
唯節省時間坐得舒服,情願選直航機

今日又係星期二, 特價機票不是我想去的地方
有點失落
但如果要我轉地方去旅行的,我真係唔太想,唔知點解
唔知係咪自己太硬頸?但好多時....自己係唔想有改變

我成日都掛在咀邊:我話一就一話二就二
好似好識得堅持
好多方面, 或者我都能做到
但工作方面.....我諗我係咁多年來做唔到
真的無用.....咁大個人, 出左來做野十幾年.....份份工都做唔長
最長個份係2年半.....
(相反轉工令我快速適應新環境、人和事)

唔知返到香港, 會否搵到一份.....可以做得長久, 同事上司都正常的工?

希望離目標不遠

昨晚同老公計一計同商量過
我地應該離下一個目標不遠, 希望還追得到
年尾能夠遇到心頭好

有個目標, 人生感覺滿有希望好多
呢段日子, 如何辛苦, 也能捱過, 因為我地係一同跨過
FIGHTING!!! 好日子好快到~

人不可貎相

今年年頭大年初一花車巡遊時, 見到馬賽一班藝人係度, 個個爭住去影相
我都攝位同馬賽BB影返張(隔離個男同事死都唔肯走開, 影左好多張, 有一張仲伸手來叫我走開, 呢張相算係正常, 但個男同事依然唔肯行開lor....)
但呢幾日....傳出馬賽好多負面新聞
娛樂版我確實好耐無睇, 馬賽的私生活甚至性生活, 其實都唔關大家事

不過.....人不可貎相
要判斷一個人,不能單睇佢外表、工作、衣著、行為等等
有陣時....以上各項都可以裝出來(我不是評論馬賽是裝出來)
有陣時....自己係點樣自己都唔知(有D人咪話乜原來自己咁變態咁恐佈咖?自己都唔信自己會做出d 咁ge事?)

人是不可貎相,看人要多方面, 同埋累積經驗(呢D 叫學到老活到老)
我....又唔知會係其他人眼裡面一個甚麼的人?

PS. 我記得當時現場, 我估王君馨係同馬賽唔啱, 我地成班諗住叫幾位藝人一齊大合照, 馬賽明明企我地隔離, 突然都....消失左唔一齊合照

Anyway~希望馬賽堅強, 件事早日平息

習慣了不會覺得有問題

自搬左來澳門, 快接近2個月
習慣當然會跟係HK有不同

最大分別係廚房, 我居然可以同我老公共處
其實我地2個甚少嘈交,在朋友眼中是恩愛
但係HK 個時, 永遠大家一齊係廚房(無論係自己屋企或是娘家廚房)
一定會有意見,萬試萬靈!

煮一餐飯餸唔可以2個人係廚房, 就算我是小助手的角色都唔得

到現在來左澳門, 每星期煮2次
間中1-2下有意見, 但比以前少了....(間中1-2次 @澳門 VS 每一次都嘈@HK)
廚房比以前, 我估都大....3倍, 開揚的廚房, 2公婆係可以一人一個爐頭去分別煮2道餸出來
感覺好同心協力, 煮飯仔好溫馨似的
而洗碗每次都由我擔當, 但我非常極之樂意喎,仲好似洗快左~(唔知點解??應該係話我不嬲都愛洗碗, 因為有時間思考下, 而這篇都係洗碗時思考出來HAHA^^而這裡有2個洗碗盆, 多左地方放碗碟, 洗完再過水又有位亂放一通,所以可能係咁, 洗得快左, 唔駛下下都就住D 位, 要洗完某些才洗另外一些)

其實....
習慣了, 大數多人都不會覺得有任何問題
但當你能在習慣以外, 用另外方法去做一次同樣事情, 你會體驗更多

好似好難明
就係以廚房為例來說明
廚房大細, 唔係自己廚房只係租用宿舍的廚房....
其實都係廚房一個, 係咪?
但我同老公可以少左嘈交~

點解以前成日嘈交呢...
係因為我以前都勁愛鍚廚房,
一來弄污了到最後又係我抹返,
二來我有我放廚具用品的位置,有些毛巾唔係胡亂用GA....(老公用錯毛巾我會鬧人!!!)
三來可能係我廚藝叻左~以前係初哥, 總比老公話一餐, 唔識煮又要煮那樣(這個係說笑^^)

現在呢.....或許是重新去習慣新環境,
將原有的執著都放下了,廚房又不用那麼愛鍚(反正是租住地方)
同埋自己盡量迎合老公的做法(他想要有條毛巾抹乾個鑊, 我都專登放了一條不同顏色的毛巾係度, 免得佢隨手就拎條抹爐抹污糟地方的毛巾去抹....)

可能就是這樣, 有問題, 我自己唔覺
走出了框框, 再做一次, 終於明白了怎樣才會做得好, 但功效仍然是一樣

婚後第一跑

紫色運動衫~~係老公買俾我跑步用~

好懶惰的我.....由婚後計起, 昨晚係第一次同老公出去跑步
有人陪跑係無咁易偷懶
否則我一早就放棄

來緊要趁係澳門空閒時多做運動
唔應該再偷懶, 俾自己有藉口
操好自己身體, 對於身體、精神、將來都好~
我相信係一個GOOD & NEW START
要堅持撐住FIGHTING!!!

P.S. 為左減到個肚腩, 11月去周年旅行著3點色有得so 身材, 我要勤力d!!!
這更是我要去跑步的原因haha^^

不愛苦瓜

真想不到當初我們也討厭吃苦瓜
當睇清世間所有定理又何用再怕
珍惜淡定的心境　苦過後更加清
萬般過去亦無味 但有領會留下
(From :<<苦瓜>>陳奕迅)

~~~
以前我好鍾意食苦瓜,連老公都開始接受苦瓜
但近年我開始討厭食苦瓜
一來係怕涼,二來係覺得那種苦....開始唔太接受

有人話經歷多左,會愛上吃苦瓜
我剛好係相反....
點解呢?

我怕去經歷?想要多一點甜?
還是以前好苦....同樣愛吃苦瓜,現在不苦了, 所以不用吃苦瓜?

人家不需要跟你有禮貎

過左來澳門工作和住宿將快近2個月
同屋2位roommates其實都甚少交流
一來他們工作都早出晚歸, 二來唔係太熟, 無咩好傾

我的宗旨係我對人好,希望人地對我好(如果人家唔識得禮貎, 我都唔會同佢地客氣)
我也不介意經常打掃公家地方&倒垃圾(他們食完野唔倒垃圾, 太惡心喇!!)

呢段日子, 同roommates 都有傾談, 但唔多, 都係打下招呼,普通幾句
最近....2個roommates 很奇怪, 唔同我地一齊出門口搭車返工
前幾天仲放張電費單和寫左:"請交電費" 係枱面
我地等roommates 返來, 老公去問個明白
無禮roommate 話:d 字我寫ge

其實住左2個月, 無指定邊個去交雜費,
我見佢地忙, 我都幫手交過其中一張單, 仲幫呢個無禮roommate 交埋電話費(因為順路, 係同一間公司)
但為何第2個月就不親口交低, 而要寫紙仔?同埋好似老奉的感覺?
除左唔明白, 我都係度諗...唔通佢地怪我地用水電煤太多?(但事前傾好左我地會洗衫煮飯, 雜費除4份, 希望大家唔好為錢銀而嘈)或是有其他野令佢地嬲左我地?

(如果今個月, 佢再叫我順路交埋佢電話費, 我會諗我無責任要去交)

真係好多問號係度....

不過因為手寫日記關係, 我都記低左呢件事係日記簿子裡面
寫了"roommates突然好無禮貎"
個一下, "叮"一聲~係喎....有禮貎, 其實唔係理所必然, 住埋一齊啫, 唔需要跟你有禮貎咖?
又唔係fd 又唔係同事,又無任何關係,招呼都可以唔駛打添
所以我對人地好唔會等於人地一定我好,而我都決定對他們不會客客氣氣
沒需給他們禮貎, 因為這裡只是住的地方,又沒有爭廁所或其他事情, 不理會他們好了

最後, 我再提醒自己,不要再一箱情願! 大不了, 有咩住得唔愉快, 就搬出去住, 因為我們係有能力而唔需要受人氣

邊聽歌邊工作

我在聽歌, 同時在努力工作

自之前做過一份工....西人BOSS 好LIKE聽住歌邊做野, 大家都聽住歌邊做野
我都有試過聽住歌做野(係塞住自己耳仔), 係會專心D
不過俾阿姐鬧

呢一份工....都有D 時間可以偷雞聽歌....(就係我BOSS明天先返）
所以我依家專心一下,拿臨做埋D 野先....明天BOSS 返來, 我可能會好忙>.<

預備周年旅行

近日BOSS....出TRIP~
得閒到...可以準備11月的周年旅行
今年我地決定去Bali ,上google search 好多資料,又睇定機票酒店, 發現最貴係機票

國泰....直飛, 時間好good fit, 但$5xxx
air asia....都係直飛,以為佢平d....點知仲貴過國泰

其他.....不是直航, 要轉飛其他地方, 停幾個鐘至1日不等...用時間換金錢....

依家....keep on就唯有"目及"住d airline promotion

打不通電話-->令老公擔心

琴晚係我識老公以來....第2次同樣情況-->打好多次電話俾我,但無人聽, 無任何途徑搵到我....而搞到佢十級擔心,佢話再唔聽電話,想飛的士來搵我

話說琴晚....老公OT, 我先返宿舍, 一直等,有D 睡意, 所以乞著了
(而當然....乞之前係以為自己手機調較左有聲,所以安心乞一陣, 諗住老公一打來, 電話聲就做我的鬧鐘咯)

估唔到, 就是巧合, 電話係震機, 仲要放到老遠....乞著左係聽唔到

醒來見到.....7個MISS CALL!!!!

~~~

最後當然俾人話....但如果唔係巧合, 又點會發生咁GE情況

再者.....佢都試過無數次係咁....我地拍拖個時係晚晚有傾電話的習慣,有時佢訓著左,真係打好多個電話+留言都嘈唔醒佢,唯有等佢醒左再CALL BACK 我
對上個次係今年5月.....佢去左地牢接收唔好的地方行街睇野.....明明約好左係旺角等, 一直打唔到俾佢, 又唔知佢係邊??唔知邊度會搵到佢??唔知佢係咪出事??(我連飛的士的行動都做不到)
我咪又係咁....話又點?最緊要最後個人無事!

以上的.....本來想係琴晚一見面,就同反駁返, 同佢理論一番

但....搭車去去見佢途中....
係度諗: 算LA~俾佢話幾句, 然後我氹返佢希望無事LA~畢竟....他是愛我, 所以才著緊我啫,唯有下次自己小心D

以前的我返來~

澳門靜好多，來到呢度，條街唔嘈，聽住歌，感覺全世界係屬於自己。我終於聽到自己同自說話，以前嘅我好似返左來 

同一代人,同聲同氣d

同一代人，零舍有共鳴! 跟同事C傾計，佢都支持如有能力俾首期，係應該買左樓先，唔好幫人供樓，搞掂先生bb。 佢都明白實會催你生，但邊有計?都要慢慢來，最終bb係結婚4年半出世(佢最後話好彩有自己個竇先生bb，因為生bb，要買好多bb用品，之後先搬，有排你搬)我地係結婚1年半啫，仲有時間

又係講呢d....

昨晚，阿姨來左澳門玩，我同老公專程出去酒店搵佢同表妹。又係問我地同一個問題~催生仔!其實我已經學識了敷衍同埋唔勞氣，不過老公最終都幫我出左啖氣，再重新講多一次我地嘅處境，唔知佢明幾多亦唔知佢會唔會同返媽咪講，但總知我地係要時間，買到樓，自已有得住，有條件，先再諗生bb

祝願情傷的朋友早日開心返~

近日有位朋友為左愛情而傷心。曾幾何時，我也是過來人，要學習去愛，同時亦要學習放下，不是一件容易做嘅功課，但願呢位朋友早日能夠開心返

周杰倫結婚

其實都幾突然，一來我唔知佢有呢個女友，二來佢已經少出了好聽嘅歌，當他的小fans，當然希望佢仲繼續作多啲和唱多啲好歌，因為周杰倫陪我度過好多時候，佢嘅歌我一唔開心或唔精神，一聽就好似叉左電咁，開心或忙碌個時一聽，就更加幫我打氣咁。所以我永遠也會支持你，周杰倫

點解D 朋友知道人地有好野先突然關心人??

當身邊朋友知道我過澳門，突然好關心咁問我近況，又話想過來做，有本事咪自己過來。講真，都要係自己做到嘅先過得來，唔係羨慕就盲目跟風，串咀我都要講，我真係唔知點介紹人過來，我都係自己搵返來咋

珍珠奶茶

真的很愛食珍珠，現在來到澳門，好多餐廳都有得飲，超開心

澳門hea生活!

去左澳門，成個人放鬆左hea左識嘆左。除左搭車，我諗我好快適應呢度

7周年拍拖紀念快樂

呢隻手一俾你拖，就一世，估唔到，咁就7年，跟住仲有無限個紀念日呵!拍拖7周年紀念快樂!呢7年，跟你一齊，其實都算係好易過，我諗大概原因應該係因為開心，呢段關係，大家相處得舒服，自然唔會難過，其次好似你講珍惜，我地都好珍重對方，咩都以對方行先，咁2個人咩都有商有量，有共識，有默契

搬屋了...

懂事後嘅搬屋係1989年聖誕，唔經唔覺住左係將軍澳有24年半，今日嫁夫隨夫，跟埋老公一齊過澳門居住和工作，真係有啲唔捨得。搬入去時令人滿有期待，搬走時卻令人感到可惜，對象同樣係間屋…所有東西也會有循環，但對待嘅心態會有不同改變，所以沒有東西是永恒不變

對的時間遇上對的人

趁搬屋，終於決定掉左它。保留不是因為那份情，而是覺得禮物貴重。這耳環說來有段故，就係ex在我提出第11次分手時，為復合而送，他份人都幾搞笑，有就唔珍惜，無左先珍惜，所以最終第12次也被我狠狠地說了分手。現在慶幸跟他分了，讓我遇上更好的，更懂得珍重我嘅人

放棄一切,跟老公過澳門係傻??!!

辭左份工，要去稅局清關。 我問老公我跟佢過去澳門，咁樣做係咪好傻。佢居然答我好傻。個刻我的確唔開心，原來最後得唔到你認同，我還以為我為左佢放棄左一切，係啱，原來係傻。真係好想喊 我諗我唔應該再咁偉大，還是自私對自己好算數


所以呢幾年內，你完成呢個project，我地仍然停滯不前，乜都無進步，我就決定唔再傻，我會做下一個決定

baby cake

第一次送baby cake俾小朋友，個人覺得呢份禮物又有心思又啱用。望住bb，我真係好想自己有一個，縱然我知道生bb係10級痛，生左唔知邊個幫手湊，生bb好洗錢，養bb要嘔心瀝血，我還是想生一個或者兩個，滿足下我嘅母愛。雖然目前什麼都未做到，但我地一定會努力，加油fighting!!

對於離職無感覺

盼望再有機會，入返來做，今日last day，唔知點解到走個下都無感覺，咁多份工而來從未試過，但就真係有唔捨得班同事嘅，因為呢1年，建立左份友誼

2人3足要講共識和合拍程度

如果人不知為了什麼生存，就是沒意思。好在我同老公還合拍，一齊想買樓，然後生仔，縱然身邊有人反對，我們都堅持，這是我們的共識。2人3足也是講求共識和合拍，所以捱過呢段時候，我相信我們能夠俾好嘅生活俾將來嘅家!加油fighting

返慣了唔覺....其實我想要一份無咁多限制又近的工

今日同事同我調左更返工，依然6點半起身，但食埋早餐，執下野，乞左陣先出門口。還掂仲有幾日返工，大遲到算了。MTR上好多人!一個我都唔太鍾意返呢份工嘅原因係太遙遠，6點幾去起身，訓都未訓醒，最好搵份唔駛打卡，遲少少返都無問題又近屋企附近嘅工就好。

1 week before Last Day @RP8

Last day倒數仲有一個星期，可能轉工太多，什麼興奮或唔捨得嘅感覺都沒有了
(其實自出來做野....都做過好幾間物業管理公司, 呢一間都係大公司, 但確實....係福利好,同事好, 但D 客就唔好....因為D 客EXPECT 我們公司俾到好好的服務,但其實.....一間公司邊可能交通又係它做得好,物業管理服務又做得好?唔係話自己同事不能提供優質服務, 但我想講....係呢間公司文化: 除左DIRECT STAFF就係外判晒出去,其實外判出去,好難管理好個服務質素，咁客又EXPECT咁高....大家咪做得辛苦LOR~)

Farewell K

倒數在RP8嘅日子，今晚約到成班同事一齊食晚飯，然後唱k farewell

朋友，我當你一世朋友

朋友，我當你一世朋友 
真係危難時，仲肯幫手，義不容辭，呢啲真心朋友，除左交得過，仲係幾生修道 今晚多謝你呀，劉婷劉，好感動好開心識到你，在心中

0-10再由10-0

當知道舊同事返左England(他的鄉下)； 當返工時常用嘅那支潤唇膏就來無； 當…… 有些東西係會不知不覺消失或慢慢消失，除了可惜和感慨之外，另一種感覺好似係度話我知…其實每件事都會由0去到10，10又會返去0，什麼也會有循環，他們係我生命中嘅過客

NEW START HERE

好耐無寫網上日記
 以前呢，都好鍾意寫，但出左來做野，忙左，就少係屋企，自然都少寫了日記,對少了電腦 ,手機的科技進步，曾經我想過用手機去寫日記，咁返工放工咪多啲機會寫到 
估唔到咁耐先寫呢一篇，好似都相隔10年 哈哈

(本來係寫WEIBO先~但因為字數限制, 又因為不能寫埋TITLE.....搬晒過來呢度,慢慢寫)