今日係一個好重要的日子...算係我地人生一個轉捩點
除左食飯睇戲....就係最重要ge....我地的關係又再昇華到另一階段
係約好的地方, join左阿鏗, 我地去食飯
揀左去日本野
呢一餐食咩...唔睇返相唔記得
傾左咩? 哈哈...我都唔太記得
不過最重要係有影相, 好彩有影啫~~
影相梗係搵職員幫我地手拎相機影, 一張濛一張清
影合照, 阿鏗坐左過來, 隻手....仲搭左落我膊頭度.....我初時都唔太抗拒, 諗住合照啫
咁職員幫我地影完, 我地自拍...
個感覺係....佢仲繼續搭住我膊頭
心諗:呢條友仔博大霧喎, 快D 影完LA
(事後睇返D 相....張張合照, 張張都唔笑, 自己一個影就笑到咁....想點呀??)
不過都好彩有合照, 因為呢一日係我地畢生難忘, 我地之前見面約會, 其實都無影過相
呢一張係我地的回憶來咖~
跟住行左陣時代廣場, 陪佢睇運動用品....
夠鐘就入場睇戲
套戲佢睇過....所以某d 位我問佢: 會唔會好恐佈咖?
佢就借d椅....用隻手掩我眼前, 咁我睇唔到, 咪用隻手撥開佢隻手
點知阿鏗乘機拖住我
我心諗: 我地好似快左d, 會唔會對佢唔公平??始終我同ex 分左手唔係咁耐?
鬆左佢手, 繼續睇戲...
點知唔夠一陣, 又有一個環節, 好似好恐佈, 我又驚
佢又借d椅....用隻手掩我眼前
今次同樣, 我用隻手撥開佢隻手
又再一次俾佢拖住我隻手
個下就諗: 不如唔好再鬆手? 試下開始好無? 鬆左手我怕咁就無左個機會
所以係咁一拖....由戲院就正式拖實拖住走....咁就拍拖、結婚、同埋下半生!!
套戲講咩...我好似事後睇返無咩印象
因為個時應該甜到漏, 可能面都紅我唔知
拍拖唔係第一次....唔知點解硬係第1次過電.....係咁難忘咁心動
(p.s.事後先醒起, 原來有人....無問過我做唔做佢女友ga!!!!haha^^)
我地的愛情故事就係咁發生
雖然唔算十分浪漫或特別, 但都係甜絲絲同埋值得回憶
間中同老公一齊, 都會諗起d 細節, 然後問佢個時係咪咁諗?唔係咁,你會點做?
所有一切都好sweet, 再次回味依然sweet
沒有留言:
張貼留言