懷孕22w

孕婦唔知係咪特別無記性?

其實呢排都係咁...出左門口先檢查自己有無漏帶野, 跟住先發現自己無帶銀包, 有時無帶電話

以前都好少可係咁...

今個w 要去政府醫院飲糖水

我係比好多mama 早左飲

(如果爸爸或者媽媽有糖尿就要飲, 咁飲左都好, 知道有無問題, 好過抽左血先知要飲, 咁咪要分開抽2次血, 邊有咁多血俾人抽喎)

其實我係特別d

因本身政府想我24w 去抽血糖驗糖尿(因我之前無問清楚, 話我家人無糖尿, 但之後問返, 原來媽咪上左年紀有糖尿)

所以助產士要取消我抽血糖個期

跟住再安排糖水期+下次產檢

但因為我9月頭會上產前運動班, 佢分開安排幾日去叫我返來

我係澳門專程返來, 就真係有點困難(船程+請假都麻煩la)

就算係香港工作, 都難係一星期請幾個半晝假去做呢d....唔俾boss鬧死咩

而助產士唔建議我產前運動班個日早上去飲糖水, 佢驚我下晝上運動班時暈左

所以助產士幫我同我夾左一陣時間.....最終提早飲糖水, 加埋個朝就做埋產檢(所以我一直產檢都係4w一次,一般都係4-6w)

老公....亦開始難放假, 俾boss 炸型

但糖水期, 我要佢點都要請假, 我怕我會暈左(因要空肚成晚, 加一朝早抽血, 再飲糖水, 跟住再抽.....成朝唔食野喎)

終於到糖水期.....朝早去登記(特別多人, 尤其老人家)
跟住第1樣要做係抽血, 原來係抽好細支血,
然後等飲糖水.....2杯暖暖的....但好甜,甜到漏, 好似阿媽煲糖水落多左勁多糖咁

我好似飲水的速度飲晒, 不過飲完喉嚨就少少"那"(聽聞有限時間, 不過可能我本身鍾意食甜野, 所以2杯糖水無問題)

好彩姑娘話等的呢2個鐘,可飲少量清水

咁當我feel 到少少反胃時就飲啖仔水....

接住去做產檢, 講左俾姑娘知我要2小時後準時去抽血

所以今次產檢好快到我, 唔駛點等, 有1個鐘無聊咁坐係度玩下手機, 行下(聽人講行下好過坐定定係度喎)

2個鐘到....抽埋血走得, 又係2星期無電話打來就無事

(p.s.最後...我係pass!!!太開心之前有少少刻意, 戒過下甜野一星期, 故意飲多d 水, 依家可以...放肆食返d 甜野先)

突然....知道一個茄子B的壞消息, 心情真係好沈重, 同茄子媽孕期相差10W, 佢老公亦係我中學同學

所以成為左親密戰友, 交換情報互相支持, 仲諗住大家BB出世一齊玩...但如今....真係太太太突然.....

希望茄子媽早日休息好, 再快D 陀下一胎, 茄子~你要好好投胎, 再返來你媽媽度做佢個小寶寶, 知嗎?

陀B 唔係易事, 要過好多關....呢10個月的確係令不少孕MAMA 帶來壓力和不安

真係其實陀Cheers 我個人係平靜左好多, 少左發嬲和動氣

但會易喊....

我都要調節好自己心情, 唔好影響到Cheers

到孕中期.....我居然輸左俾一包即沖麥皮

居然食左一陣....走左去嘔

我成個孕期第1次嘔

好辛苦!!!!

原來麥皮會令胃氣脹, 係涼ga...

唉....辛苦到我....

不過睇左醫生, 醫生開的化胃氣藥, 都唔太建議我食

因為始終孕期係會腸胃差d, 佢想我自己好, 唔駛靠藥

咁我唯有乖乖清清地戒口幾日....

希望呢幾日無餓親Cheers!!!我要盡快好, 食返多d有 營養的食物俾Cheers 吸收先得