懷孕25w

踏入第6個月, 孕中期過得好快

我算係陀得舒服(對比其他mama)

Cheers不知不覺學識左"銳"同"撐恒"我個肚...

早上呢, "銳"我肚皮, 近肚臍位....痛到我

下午就"撐恒" 肚臍對下一帶地方

暫時係繼胎動後, 今次係再大力左的舉動

雖然都係開心事, 即見証到佢長大左(總好過佢唔郁, 我仲擔心)

不過佢真係搞到我....好痛!!!

我知我個肚唔夠大俾佢住, 佢要擴展空間, 再撐大d

但返緊工....又唔可以無端端俾佢一野咁整落來, 係度大叫咁失禮(所以下下忍痛, 佢一整到我就摸下佢)

又返香港上政府醫院的第2堂產前運動班

今次要俾$60

今次學ge 係...產後運動

產後....點解要依家教ga???教左都做唔到, 同埋....生完鬼記得咩, 俾本書仔我到時都懶得做la

(有d 感覺又俾政府醫院呃錢咁)

唉...真係好癈好癈

但好彩我周數唔係好大, 第三堂的生產球班本身都係呢個星期有一班, 

但我問姑娘:可否安排我參加下一個月果班? (今個星期, 連放2日來上堂, 我都唔想太頻撲)但我自己一個來, 老公返工, 我有fitball 係屋企, 我想練多d

姑娘話下個月無問題呀有位, 自己上都得

(但上次佢又講明要老公陪ge?? 我今次試下問咋, 點知咁順攤喎)

開始上堂前, 姑娘問其他孕mama係咪真係咁想上fitball 班, 原來爆左人數(一個月先開一班,仲有限人數, 唔怪得一直咁低調唔主動叫人上呢d 堂)

姑娘拎個fitball 出來問想上堂的mama要屋企都有呢個波先得ga 喎, 唔係學左都無用

但幾個孕mama 都堅持想上, 跟住姑娘又講其實聯合個度到時有人教

但都無人退出, 最後姑娘唯有問幾位想上的孕mama幾多w

其實只係有一個孕mama.....31w(大過幾他人少少....)都俾姑娘foul 左出去...因為呢班真係full 

好彩我周數唔係太大...而且揀左下個月先上(不過個時...我已經係30w尾)

唉

係咪真係陀b就易老??

我前排拔左一條白頭髮, 依家又見到有一條

仲要差唔多位置發現, 係成條長長的白色的....

雖然呢個年齡, 對比其他人...可能我都唔算多白頭髮

但其實一見白頭髮, 我有點難接受