懷孕24w

哈哈, 見Cheers 郁多左

諗住用手機捕捉下奇秒的一刻

Cheers 好醒呀....我錄佢就唔郁....唔錄la, 一放低手機,佢就郁2野

丫....次次都係咁,我捕捉左成朝都錄唔到

跟住到晚上(郁得比較密的時候)再錄過...

又玩左我一輪

ok.....我問Cheers: 係咪蝦媽mi 呀?

佢居然郁左2野

哦哦哦~~~有証據la, 原來係蝦我ge!!!

等你出世大個左要俾返段片你睇先得

因為上星期唔舒服, d 同事叫我問下公司, 可否爭取下多一架車泊到入來地盤或者駛入來條通道接送我都好丫

但HR 覆我車位有限, 不過可以問下....放架車駛入來通道, 但唔可以泊車, 只可以用來接送我

咁就麻煩其中一個經理, 我俾左同事個車牌, 叫佢幫我去同HR 加多幾錢肉緊講下, 希望事半功倍

最後....終於批准俾我同事架車駛入來

其實麻煩到果位同事, 因為佢要出左去外邊拎車, 專程駛入來接我

而孕中期呢段期間, 係夏天.....真係唔想日日係咁行返宿舍

所以日日放工黏車坐, 係有D 唔好意思

但去拎車途中, 其實要過馬路, 人多車多, 佢話都好危險, 又唔敢叫我陪佢衝紅燈過馬路

所以最好架車駛到入來, 都唔爭在喎

(佢咁好人...所以公司有咩我幫到手/好野醒到佢, 我都盡量先益左佢)