都唔敢食咁多野
醫生建議少食多餐, 食D 易消化, 其實最驚係餓親Cheers(我餓有咩所謂!)
係公司, 返左半日工....感覺都係唔舒服
好彩有呢班同事, 佢地見我唔對路, 都叫我請假返去休息
唉...又嘥左半日假, 返到去宿舍其實都無野做.....睇下bb 雜誌, 夜晚同老公研究下改咩名
(最後都係諗唔掂, 到時都係搵師傅改好d)
(p.s. 希望之後唔好再唔舒服, 諗諗下...我幾次唔舒服又早走又未必需要睇醫生...
就感覺自己太驚青....最大問題係無晒病假....澳門法例一年只得6日病假, 我晨早用晒, 依家係度燒緊自己大假)
因為胃氣脹, 買左燜燒杯研究下點焗d粥食, 不過都係明火好食d....
老公呢幾日情願早起身,陪我去樓下食早餐先返工, 因佢唔想我朝朝只係食面包, 面包係更容易引成胃氣脹
每一星期....都發現Cheers 多左郁動的副度,
仲要開始郁上左d...去到肚臍上少少....我訓係度都睇到
唔係再係肚臍下la
有進步!!真係好開心!!
(呢個時期的胎動....仲可以俾到老公, Cheers 的舅父同細姨仔摸到, 可能未識性la)
之前好彩有同事話我知, 政府醫院有得上產前運動班
因我係澳門, 搵唔到呢d 班, 返香港又太頻撲
所以問下政府醫院, 點知唔問佢地真係唔講
一講....仲要係後邊拎form 俾我, 要去登記ga
而去上堂個日, 都唔多人上, 睇來醫院都低調去唔想俾人知有呢個產前運動班
估唔到....呢個堂係要俾錢, 第1堂收左我$100
跟住去度, 填左問卷, 睇video, 跟住姑娘逐個叫出去了解下我地有無咩痛症等等
大約1.5 小時, 姑娘講下野, 做少少坐係度的簡單運動, 又去yoga 墊個度做d 運動
感覺都幾癈, 大家應該最想上係第3堂的生產球班
本來仲想係aeon bb 展買多d 野, 點知問送貨日期...
唉!! 只可keep 1 個月貨, 唔可以等到12月先送
咁無計....依家先9月頭, 唯有遲下...11月, 無特價都要照買
爸爸(Cheers 公公)上次俾左錢我, 叫我買野俾Cheers
我用左來買衫仔, 跟住金價望左好一排都唔再跌, 反而仲升返少少
都唔理....買左金器俾Cheers 先la
呢個係謝瑞麟買ga~周大福周生生無紅色如意結款
係六福同謝瑞麟有....謝瑞麟仲要有5個東東吊住, 六福都係得3個咋
見呢個都幾得意, 買左先~
(到Cheers等時滿月...爸bi媽mi再諗下有咩特別的送俾Cheers 啦)
沒有留言:
張貼留言